Impress

Introdución

Impress é o programa de presentacións incluído no paquete OpenOffice e LibreOffice.

Como outros programas de presentacións semellantes, admite a posibilidade de realizar presentacións en diferentes soportes, aínda que a máis común é a presentación en pantalla.

AO ABRIR A APLICACIÓN

Cando se entra ao programa aparece a seguinte ventá:

En Tipo, podemos elixir se queremos crear unha nova presentación desde cero (Presentación baleira), usando un modelo (desde modelo, que permite elixir unha plantilla ou fondo predeseñado) ou abrir unha presentación creada anteriormente (Abrir unha presentación existente).

Na dereita aparecerá o deseño tipo elixido segundo a opción anterior (só si esta marcada a casiña Previsualizar).

Marcando a casiña “Non mostrar este asistente de novo”, non volverá a verse este asistente e a próxima vez, cando entremos no programa irá directamente a pantalla de traballo. (Mellor NON marcar esta casiña).

Ao pulsar o botón Seguinte podemos elixir o estilo de fondo de diapositiva que imos usar por defecto para toda a presentación (se queremos) así como o medio de saída da presentación (normalmente pantalla), aínda que podemos elixir transparencia, diapositiva ou papel.

Ao pulsar o botón Seguinte aparece a seguinte ventá (podemos saltala si na anterior pulsamos o botón Crear)

Esta ventá permite configurar o modo en que se van a realizar as transicións entre unhas diapositivas e outras, así como o tipo de presentación elixida (estes valores aplícanse a todas as diapositivas que creemos na presentación. Se queremos que algunha delas teña valores distintos, haberá que cambialo posteriormente).

No cadro de selección Efecto eliximos como queremos que apareza cada unha das diapositivas, e no cadro Velocidade, con que velocidade aparecen.

No grupo onde pon Seleccione o tipo de presentación, hai dous botóns de opción:

Predefinido. Se o deixamos o paso dunha diapositiva a outra e manual, e dicir temos que pulsar unha tecla (normalmente o espazador) ou facer clic co rato para pasar a ver a seguinte.

Automático: Neste caso, durante a presentación, o paso dunha diapositiva á seguinte e automático. Podemos darlle o tempo que queremos que permaneza en pantalla unha diapositiva antes de presentar a seguinte.

Unha vez seleccionados, pulsamos o botón Crear e aparece xa a ventá de traballo do programa, onde imos construíndo as diapositivas que forman a presentación.

A INTERFACE GRÁFICA

Ventá de traballo:

Barra de título. Amosa o nome do documento actual e o nome do programa.

Barra de menús. Amosa unha serie de menús. Cada menú se desprega ao pulsar enriba del.

Barras de ferramentas.

Barra Estándar, que contén unha serie de botóns correspondentes as opcións mais usadas e que imos a ver.

Barra liña e enchemento, que contén unha serie de botóns correspondentes ao estilo e cor das liñas que usemos e os enchementos das areas da diapositiva

Barra de presentación, que contén botóns para inserir unha nova diapositiva, cambiar o estilo dunha ou iniciar a presentación.

Barra de ferramentas de debuxo. Aparece na parte inferior, enriba da barra de estado.

As barras de ferramentas pódense configurar no menú Ver.

Barra de estado. Amosa información diversa.

Barra de diapositivas. Atópase na parte esquerda da pantalla de traballo, e amosa as diapositivas que forman a presentación en miniatura, de xeito que podemos seleccionar calquera para traballar nela, engadir ou inserir novas diapositivas, ou borralas.

Barra de tarefas. Situada na parte dereita da pantalla de traballo, e de gran importancia, pois permite realizar as tarefas mais frecuentes na construción da presentación. Pola cantidade de tarefas que inclúe, está dividida en cinco solapas que son as seguintes:

Páxinas principais (Permite seleccionar entre varios deseños para todas as páxinas da presentación).

Deseños (Permite seleccionar entre varios deseños para a diapositiva actual).

Deseño da táboa. (Permite inserir unha táboa con un determinado deseño, nunha diapositiva).

Animación personalizada (Permite engadir distintos efectos aos obxectos incluídos nas diapositivas)

Transición de diapositivas (Permite elixir como van ir aparecendo as diapositivas durante a presentación).

CREACION DE PRESENTACIONS

Creación dunha presentación.

Para crear unha presentación temos que ir deseñando cada unha das diapositivas que a compoñen. Cada unha das diapositivas pode conter texto, imaxes, gráficos e outros elementos. Estes elementos poder ir asomando con distintos efectos que iremos engadindo xunto co deseño, e poden responder a distintas accións como por exemplo asomar un elemento ao facer clic co rato.

Así mesmo, unha vez que temos todas as dispositivas deseñadas e con seu contido, tamén podemos elixir o tipo de transición entre unhas e outras, que pode ser automático (cada n segundos) ou ben manual (cando o expositor ou relator o desexe).

Antes de iniciar o traballo para realizar unha presentación debemos decidir se queremos empezar o deseño das diapositivas desde cero, ou usar algunha das plantillas que o Impress incorpora, o que facilita a construción, pero deixa menos iniciativa a orixinalidade da presentación. Tamén podemos usar como plantilla unha presentación feita con anterioridade e cambiar o que desexemos na nova.

Creación de diapositivas usando plantillas.

Ao iniciar o Impress, aparece o asistente de presentacións que xa vimos no primeiro apartado. É moi limitado.

Imos usar entón unha plantilla de “estilo de diapositiva”. Nesta ventá, eliximos dúas cousas:

Estilo de diapositiva que queremos para todas as diapositivas da presentación (podemos posteriormente cambiar as diapositivas individualmente)

Soporte en que imos a ter a presentación:

Pantalla (quere dicir que a presentación imos facela por ordenador empezando por amosar a primeira diapositiva e avanzando ata a derradeira).

Transparencia (O obxectivo final da presentación e imprimila en transparencias para o seu posterior uso cun proxector de transparencias).

Diapositiva (O obxectivo final e pasalos a diapositivas para expoñer a presentación cun proxector de diapositivas).

Papel (O obxectivo final e imprimilo en papel normal -A4, folio, ...-).

A diferenza mais importante entre unha presentación en pantalla e as demais e que en pantalla, permite realizar transicións e efectos que nas outras non existen. Deixamos Pantalla.

En canto ó estilo da dispositiva podemos elixir entre unha chea de fondos de dispositiva. Para isto, despregamos a lista que hai debaixo de “Fondos de presentacións”, e ao facer clic nun estilo aparece unha previsualización na ventá que hai a dereita. Cando teñamos a que nos gusta mais pulsamos o botón “Seguinte”.

Por último, antes de entrar no deseño individual de cada diapositiva, podemos elixir:

· Efecto (como queremos que aparezan as diapositivas)

· Velocidade do efecto (Lento, Medio ou Rápido).

· O tempo que permanecen as diapositivas na pantalla e o tempo de pausa antes de amosar a seguinte.

Para as dúas primeiras opcións despregamos a lista de valores na frecha correspondente e ao facer clic vémolo o efecto e a velocidade con que aparece este na ventá de previsualización da dereita.

Para a transición entre diapositivas podemos deixar marcada a opción predefinido (o que obriga a facer clic co rato para pasar dunha a outra) ou ben marcar automático e elixir nos os tempos de duración de páxina e duración de pausa. Unha vez elixidos estes valores, pulsamos (clic co rato) no botón “Crear”. Aparece xa a ventá de traballo onde imos ir creando os contidos das distintas diapositivas.

INSERIR TEXTO

Para inserir un texto no área de traballo (na diapositiva actual), fixámonos na barra de ferramentas de debuxo da parte inferior, e pinchamos (clic co rato) no icono correspondente:

Se queremos agora poñerlle un bordo ao texto pinchamos no recadro co botón dereito do rato (aparece un menú de opcións) collemos a opción Liña e eliximos o estilo (continuo ou algún dos non continuos que aparecen, a cor (se non queremos negro), e se queremos que sexa mais ancho aumentamos o valor elixindo na lista largura (o valor 0,00 cm. corresponde a un bordo simple).

INSERIR IMAXES

Para inserir unha imaxe séguese o mesmo procedemento que no programa Writer. E dicir:

Imos a opción do menú superior Inserir à Imaxe e logo collemos a opción Do ficheiro se temos o arquivo de imaxe gardado nalgunha carpeta, ou dixitalizar se queremos coller a imaxe directamente do escaner.

Tamén pode facerse usando a icona imaxes desde ficheiro da barra de ferramentas de debuxo da parte inferior.

E, por suposto, podemos pegala, se previamente a copiamos doutro programa (por exemplo copiámola dalgunha páxina Web de Internet). NESTE CASO, HAI QUE TER EN CONTA QUE SE REPRODUCIMOS A PRESENTACIÓN NOUTRO ORDENADOR, PODE NON APARECER A IMAXE.

INSERIR OUTROS OBXECTOS

Podemos inserir tamén outros obxectos. Imos fixarnos en primeiro lugar na barra de ferramentas de debuxo da parte inferior.

Liñas : Podemos inserir liñas para dividir a diapositiva en varios sectores ou resaltar algunha área concreta. Poder ter calquera dirección: horizontal, vertical ou oblicua.

Frechas : Podémolas usar para indicar algún elemento da diapositiva ou para unir elementos que seguen unha secuencia.

Rectángulos : Podemos inserir cadrados ou rectángulos, pero debemos ter en conta que é un elemento máis, non é como un bordo de un texto que conforman un só elemento. Polo tanto temos que ter coidado de si está superposto con outros elementos debemos indicar cal deles aparece por enriba do outro. Para isto usaremos a icona Dispor desta mesma barra.

Elipses : Permite inserir círculos ou elipses.

Texto : Xa o vimos anteriormente

Curvas . Permite inserir curvas irregulares

Conectores : Serven para unir dous elementos e, basicamente poden ter unha ou dúas frechas dependendo da relación que queremos indicar entre eles.

Formas básicas : Permite inserir cadrados, círculos, elipses, rombos, trapecios, cruces e outros elementos que podemos ver ao despregar esta icona ca frecha que ten a súa dereita.

Símbolos : Podemos despregar a icona para elixir un dos símbolos que aparecen.

Frechas dobres ou largas : Permiten inserir outros tipos de frecha con diversos deseños.

Fluxogramas : Podemos despregala par elixir algún dos símbolos que se usan habitualmente na confección de diagramas de fluxo ou de organigramas de organizacións.

Textos explicativos : Permiten inserir bocadillos ou pestanas explicativas na diapositiva.

Estrelas : Para inserir diversos deseños en forma de estrela.

Puntos : Se temos un elemento e queremos cambiar a súa forma inserimos un punto de axuste pinchando no elemento despois de pinchar na icona da barra de ferramentas, e logo cando seleccionamos o elemento aparece ese punto marcado. Se nos poñemos enriba del aparece unha man de xeito que pinchando o rato e arrastrándoo cambia o aspecto do elemento. Permite por exemplo, converter un rectángulo en outro cos bordes redondeados.

Puntos de colaxe : Un punto de colaxe é un punto de conexión personalizado ao cal se pode anexar un conector . OpenOffice.org coloca por defecto automaticamente un punto de conexión no centro de cada un dos laterais do rectángulo que limita cada un dos obxectos creados. Se creamos un punto de colaxe en calquera outro sitio do elemento, os conectores que poñamos irán parar nel.

Galería de FrontWork : Permite seleccionar tipos de letra especiais.

Rodar : Permite rodar o elemento. Cambiar a sua orientación.

Aliñamiento : Permite aliñar o obxecto dentro da diapositiva. Se consideramos a diapositiva dividida nunha cuadrícula de tres por tres, podemos poñer o elemento en calquera das nove áreas.

Dispor : Permite escoller cal elemento aparece por enriba ou debaixo doutros, cando existen elementos superpostos.

Outros elementos que podemos inserir: Nº de páxina, Data e Hora, Campos (Autor, Título), hiperligazóns, Táboas, Video e Son, gráficas, …

INSERIR NOVAS DIAPOSITIVAS

Para engadir ou inserir novas diapositivas podemos facer clic co botón dereito na barra de diapositivas naquela a partires de onde queremos ter a nova e eliximos a opción Nova diapositiva.

Cando xa temos mais dunha diapositiva, para traballar con unha determinada, facemos clic nela. Para borrar unha diapositiva pinchamos nela (se selecciona) e pulsamos a tecla Supr.

TRANSICIONS

Se usamos o asistente de presentacións cando entramos no Impress, na terceira pantalla permítenos elixir o efecto co que van aparecer as sucesivas diapositivas, así como o tempo de transición entre elas. Os valores elixidos nesta pantalla, son aplicados a toda a presentación.

Pero podemos cambiar estes valores para unha ou varias diapositivas en concreto, ben por querer resaltalas con respecto as demais, ou ben para facer menos monótona a presentación. De todos os xeitos, hai que buscar un equilibrio, para non facer a presentación demasiado caótica.

Se queremos cambiar a transición e o efecto con que aparece unha diapositiva podémolo facer do seguinte xeito:

* Seleccionamos na barra de diapositivas, aquela que queremos cambiar (aparece a diapositiva no área de traballo).

* Seleccionamos na barra de tarefas da dereita a solapa transición de diapositivas:

Como vemos, aparece unha lista con todos os efectos de transición posibles, neste caso seleccionamos o efecto Xirar en sentido horario, 3 raios.

· Seleccionamos a velocidade (Lento, Medio ou Rápido) do efecto.

· Poñemos son (se o desexamos), elixindo un dos que aparecen na lista, ou ben a opción outro son, que permite seleccionar un arquivo de son dalgunha carpeta do ordenador.

Non é recomendable poñer un arquivo de son a unha soa diapositiva, porque isto fai que se corte cando vai á seguinte.

· No apartado Avanzar diapositiva eliximos que avance ao premer o rato ou ben cando pasen os segundos que elixamos.

Recordemos que todos estes valores son aplicables á diapositiva seleccionada (ou ás que están seleccionadas se hai mais dunha).

Se queremos que os valores sexan aplicables a toda a presentación pulsamos o botón Aplicar a todas as diapositivas.

EFECTOS

Se seleccionamos calquera elemento dunha diapositiva, podémoslle dar un efecto especial desencadeado por unha acción (normalmente do usuario ou redactor da presentación.

O recurso mais frecuente é non visualizar todos os elementos dunha diapositiva ao mesmo tempo, senón que poidan ir asomando a medida que o redactor da presentación vai narrando os novos conceptos. Este recurso fai a presentación mais dinámica xa que non permanece todo o contido dunha diapositiva mentres se está a explicar, senón que se vai completando durante a súa explicación.

Para engadir un efecto seguemos os pasos:

Seleccionamos o elemento (texto, imaxe,…). Na barra de tarefas da dereita, collemos a solapa Animación personalizada.

Pulsamos (clic co rato) no botón Engadir.

Aparecen varias solapas (Entrada, énfase, saír, camiños de movemento). Os efectos están agrupados nestas catro seccións, e dicir podemos elixir un efecto para o momento en que aparece o elemento  ou ben un efecto que resalte o elemento mentres está visible (como permanece, por exemplo intermitente), ou ben o efecto que queremos que teña ao desaparecer  ou ben se queremos que apareza recorrendo un camiño pola diapositiva ata alcanzar a súa posición.

Unha vez seleccionado o efecto, temos que indicar como se incia. Na lista iniciar aprecen tres valores:

Cando prema (O efecto se inicia ao premer –clic- na diapositiva)

Co anterior. Aparece ao mesmo tempo que o anterior (esta é a opción por defecto se non creamos efectos – todos os elementos de diapositiva aparecen ao mesmo tempo-)

Após o anterior. Aparece despois do anterior elemento que inserimos na diapositiva. Aquí podemos especificar canto tempo hai entre un e outro indo ao botón a dereita de propiedades e elixindo na solapa intervalos de tempo os segundos entre un elemento e o seguinte.

Para probar estes efectos o mais axeitado e darlle distintos efectos aos elementos dunha diapositiva e ir cambiando os valores para ver como se comportan.

Para cambiar ou eliminar efectos dun elemento, seleccionamos o elemento e na solapa Animación personalizada pulsamos o botón Cambiar ou Eliminar.

Pódense engadir varios efectos a un mesmo elemento (pero hai que ter coidado con isto, porque pode facer a presentación demasiado cargada).

Sempre temos unha lista con todos os efectos da diapositiva actual, que aparece debaixo da lista de velocidade. Hai que ter coidado que cando cambiamos un valor dun efecto, por exemplo a súa velocidade esteamos a facelo no efecto correcto (seleccionámolo antes) e no elemento correspondente.

Fixémonos no recadro:

Neste exemplo vemos que na diapositiva actual, temos tres efectos aplicados en dous elementos. O primeiro efecto e para un elemento FontWork, e os dous seguintes son para unha imaxe (Mapa de bits 1), como podemos ver na lista de efectos.

Ao seleccionar o último efecto, vemos que pon o seu nome antes dos valores do mesmo (Efecto Corazón). Sempre debemos fixarnos neste título para saber a que elemento e efecto estamos a afectar.

As frechas do recadro vermello permiten alterar a orde en que se van producindo os efectos na diapositiva. Podemos subir os efectos o baixalos para que se produzan na orde que queiramos.

GARDAR E INICIAR A PRESENTACIÓN

Para gardar a presentación facemos clic na icona gardar. Impress garda os arquivos de presentación coa extensión .odp.

Para inciar a presentación pulsamos a tecla F5, ou eliximos a opción do menú Presentación de diapositivas à Presentación de diapositivas.