2º ESO EDUCACIÓN FÍSICA

Bo día clase:

Para este trimestre imos facer unha pequena investigación sobre os aditivos na comida, que son sustancias engadidas para darlle certas propiedades á comida (maior durabilidade, sabor, textura, etc). Normalmente veñen na lista de ingredientes de diferentes xeitos:

• Ca letra "E" e un número de tres ou catro díxitos. Exemplo: E955
• Co nome do composto químico. Exemplo: Sucralosa
• Co nome da función. Exemplo: Colorante (Rojo carmín)

O traballo consiste no seguinte:

• Elexide productos de alimentación de calquera tipo (na casa ou no supermercado cando vaiades a comprar) e mirade a etiqueta posterior para buscar un aditivo (só un por producto).

• Sacádelle duas fotos do producto na vosa man: unha pola fronte onde se vexa a marca e outra da parte de atrás onde se vexa a lista de ingredientes do aditivo. As fotos adxuntas son un exemplo.

• Consultade na páxina https://www.aditivos-alimentarios.com/ cal é a sua toxicidade (alta, media, baixa) e anotade nunha folla escrita por vos os efectos na saude (se os ten) que produce. Sacádelle unha foto á folla onde anotedes toda esa información.

• Debedes procurar mínimo cinco aditivos diferentes de productos diferentes e con toxicidades diferentes (procurade buscar exemplos con toxicidade alta, media e baixa)

Para a entrega do traballo tedes varias opcións:

• Facer un arquivo PDF con todas as fotos e entregalo aquí na Aula Virtual.
• Imprimir as fotos e entregalo en formato papel na clase de Educación Física
• Mostrarme as fotos desde o voso movil (A letra ten que ser leexible)

O prazo de entrega do traballo é o 8 de Marzo

Calquera dúbida ou problema co traballo, preguntádeme directamente a min (con tempo).

Un saúdo,

Alberto Fernández