FACEMOS ÓSTRACA. 2ª aval.

Óstracon ou óstrakon (do grego: ὄστρακον, plural ὄστρακα) é unha cuncha ou fragmento de cerámica sobre o que se escribía.

En arqueoloxía emprégase o termo óstracon para designar os anacos de cerámica que se utilizaban como borradores para aprender a escribir ou pintar. Os óstraca son moi numerosos e é unha fonte de información moi útil.

En Atenas cando algún político se consideraba perigroso para a cidade, podía ser condenado ao desterro. Isto decidíase nunha asemblea na que cada participante escribía nun anaco de cerámica ou óstracon o nome da persoa en cuestión, de aí o termo ostracismo, o procedemento polo que se procedía ao desterro se un número suficiente de cidadáns votara polo exilio.

Nós imos facer os nosos propios óstraca do seguinte xeito.

- Rompemos unha maceta, previamente pintada cunha cor escura en pedazos non moi pequenos.

- Rascando cun punzón, cada quen deberá facer dous óstraca:

- Un con nome en maiúsculas

- Outro cun aforismo ou sentenza curta, en grego que pode estar escrita en minúsculas, aínda que é preferible que sexa en maiúsculas.

Unha vez rematados os aforismos, cada alumna/o escribirá nun pedaciño de papel tipo pergameu  a tradución e significado do seu aforismo. 

Todos os óstraca serán expostos no vestíbulo do instituto xunto coas súas traducións durante o mes de outubro.