Traballo voluntario: Vídeo sobre algún edificio da antiga Roma, antiga Grecia, termas romanas... e mundo clásico en xeral.

Esta é unha tarefa voluntaria para o alumnado que participa na viaxe a Roma ou na viaxe a Andorra, que consiste en elaborar un vídeo sobre algún dos edificios da antigua Roma que aparecen abaixo enumerados.

O vídeo deberá ter as seguintes características:

- A súa duración será entre 1 e 3 mm.

- Deben aparecer imaxes nas que se aprecie ben o edificio e/ou algunha das súas partes máis destacables. Algunha desas imaxes debe mostrar que o autor/a está no edificio, se non se quere exhibir a imaxe nas RRSS a persoa pode saír de costas ou perfil, sen mostrar a cara.

- Debe facerse unha breve descrición do edificio na que, polo menos, se comenten os puntos que aparecen no guión de abaixo.

EDIFICIOS POSIBLES

Panteón

- Quen o mandou construír?

- A quen estaba dedicado e que significa o seu nome?

- Por que tivo que reconstruír o Panteón o emperador Hadriano?

- Sinala algunha característica da cúpula

- Quen está enterrado no panteón? (Explicar por que a palabra "panteón" pasou a significar sepultura para varias persoas)

* que sinto ante este edificio? que me inspira?

Columna Traxana

- A quen debe o seu nome esta columna, en que época foi emperador de Roma e sinalar que baixo o seu mandato o Imperio romano acadou a súa máxima expansión.

- Que quería conmemorar este monumento?

- Como é a decoración desta columna e que describe?

- Que función tiña a base desta columna?

- Poderías comentar algunha das escenas acercando o zoom?

* que sinto ante este edificio? que me inspira?

Coliseo

- Que tipo de edificio é o Coliseo? que significaba esta palabra grega? De onde vén o nome de Coliseo?

- Quen o mandou construír e en que época?

- Que capacidade tiña?

- Que tipo de espectáculos podían verse no coliseo?

* que sinto ante este edificio? que me inspira?

Circo Máximo

- En que época se construíu o circo máximo?

- Que capacidade tiña?

- Que tipo de espectáculos se podían ver no circo?

- Explica que era a spina e se pode ver nalgún sitio (Piazza do Popolo, o obelisco)

* que sinto ante este edificio? que me inspira?

Foro Romano

- Que era un foro, que se facía nel e onde se atopaba?

- Cita algún dos edificios que se poden ver no Foro Romano e, se é posible, sinálaos e di cal era a súa función.

-Templo de Vesta: que función tiña, quen eran as vestais. Houbo algunha vestal importante nas lendas de Roma.

- Arco de Tito: que función tiña esta construción e que conmemoraba.

* que sinto ante este edificio? que me inspira?

Termas Romanas (Para os/as que van á neve)

- Que eran as termas en Roma, que se facía nelas?

- Herdamos nós a cultura termal dos romanos? Que é Caldea? Explicar as posibles etimoloxías do termo SPA (dun acrónimo latino "Salus Per Aquam"/de Spa, cidade de Bélxica famosa polas súas augas curativas)

- Cales eras as partes das termas romanas? Cales desas partes pódense ver e disfrutar en Caldea?

*que me aportou a visita ás termas, como me sentín ao saír?