TRADUCIÓN EN CASA E CLASE 1ª AVALIACIÓN

Por cada día que se traia a tradución feita poderá obterse ata 1 punto (0,5 pola tradución + 0,5 polas análises) por cada 2 liñas, ata un máximo de 10 puntos.

Esta será a tarefa que máis pondere da avaliación, pois o seu peso será o 50% das tarefas, polo que supón 1,5 puntos da nota global. (As tarefas puntúan un 30% e os exames un 70%).

Á parte da tradución diaria, o alumnado poderá completar a puntuación neste apartado entregando textos propostos pola profesora. Estes textos terán unha puntuación máxima de 8 puntos, 4 pola tradución e 4 polas análises.

O texto proposto para esta avaliación será a parte final do texto de Edipo que aparece no caderno de traballo.

O prazo de entrega será o venres 15 de novembro ás 12.25.

Se hai claros indicios de copia nas traducións ou análises, ou as análises son incongruentes coa tradución, non se puntuará a tarefa.