A semana pasada, o alumnado de 4º da ESO e de 1º de Bacharelato participou nos “Obradoiros pola memoria das mulleres”, impartidos por Agareso en colaboración co Departamento de Historia.
Ao longo destas sesións, o alumnado coñeceu o contexto da Guerra Civil española, a posguerra e a ditadura franquista, afondando especialmente na represión sufrida polas mulleres durante esta etapa. Ademais, elaboraron audios e podcast para sensibilizar e concienciar sobre a achega das mulleres galegas á loita contra o franquismo, recuperando historias de mulleres represaliadas da súa propia contorna e contribuíndo así á memoria democrática galega.
