O alumnado de 1º ESO de Bioloxía e Xeoloxía participou nunha actividade práctica relacionada co estudo do reino das plantas. Durante a sesión, sementaron leitugas, tomates, pementos e diferentes herbas aromáticas, como lavanda e ceboliño, aprendendo de maneira vivencial sobre o crecemento e coidado das plantas. Con esta experiencia, achegáronse á natureza dunha forma activa, fomentando o traballo en equipo e o respecto polo medio ambiente.
