Estes días, un grupo de alumnos e alumnas do noso centro achegouse á ComicCon de Moaña, un evento xa consolidado como unha referencia para as persoas afeccionadas ao cómic, ao manga, ao anime, aos videoxogos e á cultura pop.
Ao longo da visita, o alumnado puido gozar dun programa moi variado, con actividades relacionadas co cosplay, os xogos de mesa, os videoxogos, a ilustración e mesmo a cultura xaponesa. Foi unha experiencia moi enriquecedora, na que, ademais de divertirse, tiveron a oportunidade de compartir intereses, descubrir novas formas de creatividade e achegarse a un espazo cultural diferente e moi atractivo para a xente nova.
Sen dúbida, unha saída distinta e motivadora que combina lecer, convivencia e aprendizaxe.
