FAQ: resposta ás preguntas habituais

1. Que requisitos teño que cumprir?

Hai dúas modalidades de participación:

1. Realizar o módulo FCT no estranxeiro: igual que para cursalo en España, o alumnado deberá ter aprobados o resto de módulos do ciclo antes de comezar a mobilidade. 
2. Prácticas para recén titulados/as: Para participar no programa Erasmus+, non deberá ter transcurrido máis dun ano desde a obtención do título.

En calquera das dúas modalidades, a existencia dalgún expediente disciplinario, ou falta de conduta grave, será motivo de exclusión do proceso de selección.

2. Podo participar no programa Erasmus se son menor de idade?

Claro que sí, aínda que por suposto precisarás do consentimento dos teus pais ou titores/as legais, que deberán asinar parte da documentación. 

Ademais da documentación normal (DNI, pasaporte, seguro, tarxeta sanitaria europea, etc.) precisarás tamén un permiso da Garda Civil a saída de menores ao estranxeiro.

 Por último, no caso de alumnado de FP Básica a Unión Europea financia o acompañamento do alumnado por parte dun profesor ou profesora, tanto na viaxe de ida como na de volta.

3. É importante que o meu titor ou titora saiba que teño interese en realizar a FCT no estranxeiro?

É, xa que el é o titor das prácticas FCT e, polo tanto, responsábel educativo deste módulo.

4. Que teño que facer para participar na mobilidade?

Para poder participar na mobilidade, deberás cubrir o formulario de solicitude que aparece como tarefa na AV.  Logo tes que presentar a túa instancia, xunto coa documentación que se che pide para a valoración dos méritos , vía correo electrónico a programaseuropeos.iesrodeira@gmail.com .

Tamén podes pedirllo ao/á teu/túa titor/a ou pórte en contacto co Departamento de Programas Europeos

Na entrevista persoal valorarase a madurez, autonomía e motivación do alumno para realizar as súas prácticas internacionais. Unha vez realizado o proceso de baremación, ordenarase o listado de candidatos segundo a puntuación obtida e as becas dispoñibles ofertaranse na orde de adxudicación. 

A información relativa as solicitudes publicarase no taboleiro de anuncios do centro e na páxina web.

5. Como se fai a selección?

Tres meses antes dos períodos de FCT, analizaranse todas as candidaturas que hai. Se houber máis demanda que prazas, aplicarase o baremo que figura na propia instancia e que se empregará para ordenar o alumnado que solicite a bolsa Erasmus+. 

Nesta ligazón podes consultar os criterios de selección dos candidatos ás bolsas FCT Erasmus+ grao superior.

6. Cando sei se son seleccionado/a?

Durante o mes de Xuño ou Xaneiro (segundo convocatoria) publicaranse o listaxe de alumnado admitido e serás, en caso de ser necesario, convocado á realización das probas de idiomas e entrevista. Publicarase na web do centro e no taboleiro de Programas Europeos no propio instituto.

7. E se non son seleccionado/a?

Podes participar como bolseiro Erasmus de tipo 0, é dicir, sen recibir ningunha axuda económica da organización Erasmus+. Neste caso poderías recibir unha axuda maior por parte da Consellaría de Educación tal e como podes comprobar máis abaixo.

8. Que obrigas teño se son selecionada/o?

Terás os seguintes compromisos: participar nas túas actividades de preparación da mobilidade indicadas pola Comisión, tomar o curso de soporte de linguas OLS se é necesario, participar nas actividades de difusión do programa (Conferencia Erasmus +, informe persoal para a publicación nas redes sociais do programa) e completar a proba do Informe final de mobilidade nun prazo dun mes despois da súa finalización . Así mesmo, pedirémosche que completes e asines os documentos relacionados coa túa mobilidade e que xestiones outros documentos oficiais como a tramitación do seguro de saúde ou a tarxeta sanitaria.

• Procura de empresas e colaboración co departamento de programas europeos.

• Por exemplo: NetEmpregos, Eramus Intern, Jobs.ie, Erasmobility, etc.

• Xestión da viaxe e do aloxamento.

9. Cal é o importe da beca Erasmus para realizar a FCT?

Becas  Erasmus+ , convocatoria 2020

En función do país de destino, da mobilidade e da duración da estancia, o apoio individual correspóndese coas cuantías reflexadas nas táboas seguintes:

C.M. FORMACIÓN PROFESIONAL  (KA102, ka116)

  (1) Importes acordados entre o mínimo e máximo para estudantes entre o primeiro e 14º día. Correspóndese co 55% do máximo indicado na Guía do Programa.

  (2) Entre o 15º día de actividade e hasta 12 meses: o 70 % do importe por día por participante especificado na primera columna (1).

C.S. FORMACIÓN PROFESIONAL (KA103)

O importe das axudas dependerá do nivel de vida do país de destino, segundo os tres grupos que se describen a continuación (incrementadas en 100€ por mes ao ser unha mobilidade para realización de prácticas):

Así, por exemplo, para un Ciclo Superior que realice unha FCT de 2 meses e 10 días de duración (o habitual) a realizar en Portugal, percibiría:

(250€+100€) x 2,333 meses = 816,67€ para todo o período da FCT.

AXUDAS DA CONSELLERÍA DE EDUCACIÓN PARA A FCT.                

A Consellería de Educación, Universidade e Formación Profesional concede unhas axudas económicas para realizar a formación práctica en centros de traballo (FCT ) que poderán percibir os estudantes de Ciclos Superiores e que lle complementarán as axudas da bolsa Erasmus. Para o ano 2020 foron as seguintes:

No entanto, no caso de percibir unha bolsa Erasmus, as contías anteriores percibiranse no 50% do mesmo. 

Así, para o noso exemplo do estudante de CS que realiza as FCT en Portugal, ademais dos 816,67€ de Erasmus+, percibiría:

(Contía base + 10 semanas x Contía semanal ) x 50% = (180€ + 10x120€) x 50% = 690€ da axuda de FCT

NOTA: Esta axuda non se cobra inmediatamente, senón que se percibe despois da FCT.

10. As axudas son compatibles con outras fontes de financiamento?

Do lado de Erasmus+, son compatibles con outras bolsas e con remuneración da empresa (ver nesta páxina o documento “preguntas frecuentes”). O feito de trasladarse ao estranxeiro implica que non sexa posible cobrar prestacións por desemprego.

11. É compatible a beca Erasmus con outro traballo?

Si. Sempre e cando non che impida o normal desenvolvemento da FCT.

12. Como recibo o importe da axuda?

Recibirás a axuda directamente na conta bancaria que facilites en dous prazos: antes da túa partida recibirás o 80% do total, ao regreso da estancia e despois da entrega da documentación final recibirás a liquidación do 20% restante.

Podes dispor desta subvención como desexes, polo que NON terás que xustificar os teus gastos con ningún tipo de facturas (agás o recibo ou billete do transporte utilizado para chegar até o destino antes do inicio da mobilidade e logo á volta despois do fina da mobilidade). O pago da bolsa está suxeito ao establecido no Convenio da subvención, asinado entre os estudantes e a persoa responsable do noso centro, o uso da bolsa para o fin concedido e a entrega á volta dos documentos que che solicite a Institución, así como o Certificado de prácticas ou estadía.

13. Canto tempo dura a mobilidade?

A FCT en empresa dura arredor de 10 semanas. Pódese viaxar uns días antes do inicio e regresar uns días despois do fin. En calquera caso vai depender de cada caso particular e sempre se deberá realizar o total de horas fixados para o módulo de FCT de cada ciclo.

 As prácticas Erasmus teñen unha carga aproximada de 400 horas. Nunca pode ser inferior a dous meses ou máis dun ano.

14. En que época do ano podo facer as prácticas Erasmus?

As prácticas internacionais realizaranse, como prioridade, no período comprendido entre marzo e xuño deste curso. No caso de que non se cubra toda a mobilidade neste primeiro período, as restantes bolsas ofreceranse aos estudantes da lista de reserva para a realización de prácticas trimestrais dentro do período comprendido entre setembro e marzo do próximo curso.

15. En que países podo facer prácticas?

En calquera dos 28 estados membros da Unión Europea, tamén é posible realizalas nos tres países do Espazo Económico Europeo (Islandia, Liechtenstein e Noruega) e en Turquía, Croacia e Suíza. O Brexit, polo momento, non afecta a inclusión do Reino Unido no programa Erasmus.

16. Podo escoller o país de destino?

Na medida do posible, intentamos ofrecer destinos de acordo cos intereses expresados ​​polos estudantes seleccionados. Non obstante, isto non sempre é posible e nestes casos propoñemos que o alumno elixa entre as opcións dispoñibles. En última instancia, o alumno acepta respectar a cidade de destino e a entidade de acollida que a comisión lle asine como máis apropiado.

17. Teño un profesor de prácticas?

Si, estarás en contacto co titor/a da túa práctica na institución de acollida e será o encargado/a de asegurar a túa actividade de formación Erasmus. A comunicación será por correo electrónico, contacto telefónico e incluso con visitas presenciais.

18. Debo facer algún traballo académico durante a miña FCT?

Ademais de realizar o módulo de prácticas, recorda que terás que preparar o mesmo traballo que o resto dos teus compañeiros: Informe de prácticas, follas de seguimento semanais, etc.

Se eres de Ciclo Superior non debes esquecer que terás que preparar o Módulo de proxectos correspondente ao teu ciclo formativo. Así que asegúrate de estar en contacto co titor do proxecto que che corresponde e traballar segundo as súas pautas. Ao final da túa estadía, no mes de xuño, terás que presentar e defender o teu proxecto. Se desexas estender a túa estadía europea ao finalizar a FCT, o equipo docente pode avaliar a posibilidade de que o fagas por Skype.

19. As empresas están obrigadas a pagar unha remuneración ao becario Erasmus?

NON.  O alumno non vai recibir ningunha compensación durante o desempeño da FCT,  xa que as prácticas non son pagadas.

20. A compañía proporcionará aloxamento no país de acollida?

O programa non ofrece aloxamento, que deberás buscar por conta propia. A empresa tampouco está obrigada a proporcionarche aloxamento. Non obstante, algunhas empresas normalmente fornecen información ao respecto. Por suposto, o equipo de profesores do programa Erasmus tratará de axudarche e orientarte. 

21. Hai requisitos xerais no que respecta ao nivel de idiomas?

É recomendable ter un coñecemento mínimo de B1 en inglés e, por suposto, valorarase o coñecemento doutras linguas europeas. O alumno fará unha proba de nivel lingüístico en liña en inglés (ou outro idioma). Cando o nivel da súa avaliación inicial estea por baixo de B2, estará obrigado a realizar un curso de idiomas en liña antes ou durante a súa estadía Erasmus, co fin de mellorar a súa competencia lingüística na lingua europea escollida. Este curso chámase OLS (soporte lingüístico en liña) e será obrigatorio facelo no caso de non obter un nivel B2 na proba inicial; se se acadase o nivel B2 na proba inicial, o curso de idiomas sería opcional. Ao final do curso será obrigatorio realizar a proba de avaliación final, cuxo resultado só será válido para fins estatísticos.

22. As prácticas Erasmus teñen recoñecemento académico?

As prácticas realizadas corresponden á realización do módulo de formación en centros de traballo do 2º curso do teu currículo. Ao finalizar a FCT, tamén recibirás o "Documento de Mobilidade Europass" que é o certificado oficial da túa estadía e un recoñecemento de 22 créditos ECTS.

23. Cal é o límite de bolsas que se poden conceder á mesma persoa?

Pódense desfrutar até 12 meses (continuos ou descontinuos) en total para prácticas de ciclo medio (incluídas as feitas noutros ciclos, noutros centros) e 12 meses para prácticas de ciclos superiores (de calquera ciclo, en calquera centro).

Ademais, agora o noso centro está autorizado a outorgar bolsas Erasmus+ para Ciclos Superiores tanto para o período de FCT como despois de ter titulado!

24. Podo volverme atrás en calquera momento?

É posible renunciar á praza pero hai que tentar evitalo porque pode ser prexudicial para outros candidatos ou para a relación que o IES de Rodeira ten coas empresas.

Quen teña unha praza asignada e non poida desfrutala (por renuncia, por suspender, etc.) e queira solicitala de novo noutra convocatoria, pasará ao final da lista.
Se durante a realización da mobilidade alguén abandona, ten que devolver integramente o diñeiro da bolsa.

25. Cal é o papel do IES de Rodeira?

O centro desempeña o papel de socio de envío: selección de participantes, preparación lingüística e cultural en orixe, xestión da documentación, pagamentos e seguro; titoría, certificación mediante Europass Mobility, avaliación do proxecto e divulgación dos resultados.

A través dos nosos socios podemos organizar aspectos como axuda na organización do aloxamento, recepción, selección de empresas, seguimento e atención a participantes, información a titores, avaliación do proxecto e divulgación dos resultados.

26. Teño outras dúbidas. A quen podo preguntar?

Podes escribir un email a programaseuropeos.iesrodeira@gmail.com.