Como buscar e atopar libros

Como buscar?

Seguramente moitas veces ao longo deste e dos vindeiros cursos terás a necesidade de facer uso dos recursos da biblioteca. Os motivos poder ser moi variados: atopar un libro de lectura obrigatoria dunha asignatura, atopar fontes de información para algún traballo, atopar unha lectura para os teus momentos de lecer…

Aínda que na biblioteca atoparás sempre a alguén disposto a axudarte, é importante que sexas autónomo á hora de ATOPAR o que buscas.

Dentro da biblioteca, se botamos unha ollada, veremos que en algúns estantes hai uns carteliños:

Fíxate nestes carteliños. Hai un recadro de cor onde hai un número (ás veces tamén hai letras). Ao lado está a explicación de a que corresponde este número. Este carteliño indícanos que aí poderemos atopar cómics e tebeos.

Clasificación Decimal Universal (CDU)

Dentro das bibliotecas ten que haber unha orden. A ordenación ten que seguir uns criterios. Existen distintos criterios para facer a clasificación dos fondos das bibliotecas, pero o máis empregado é a CDU (clasificación decimal universal). Segundo a CDU, o coñecemento humano pode dividirse en dez clases:

0. XENERALIDADES 1. FILOSOFÍA 2. RELIXIÓN 3. CIENCIAS SOCIAIS 4. Libre disposición da biblioteca 5. CIENCIAS EXACTAS E NATURAIS 6. CIENCIAS APLICADAS 7. BELAS ARTES, DEPORTES, ESPECTÁCULOS 8. LINGÜÍSTICA,LITERATURA,FILOLOXÍA 9. XEOGRAFÍA,BIOGRAFÍAS,HISTORIA

En cada un destes grupos podemos seguir facendo subgrupos. Así por exemplo, dentro das ciencias exactas e naturais.

51. Matemáticas

52. Astronomía

53. Física. Meteoroloxía

Ou dentro das belas artes:

7(03) Historia da arte

72. Arquitectura

73.Escultura. Cerámica

Anosa biblioteca conta tamén con dúas sección máis: LIX (literatura infantil e xuvenil) e LIJ (literatura infantil y juvenil). Tamén atoparás un recuncho paraas novidades e para todos aqueles libros que son os máis demandados polo alumnado.

Como atopar?

Xa estou na sección axeitada, pero ¿Como localizo o libro que necesito?.

Fíxate que nos lombos dos libros hai unhas etiquetiñas. Dentro está a signatura topográfica que me vai dar unha valiosa información.

É importante saber que os libros están colocados por orde alfabética segundo o primeiro apelido do autor.