O alumnado de Bioloxía e Xeoloxía de 4º de ESO participou no mes de abril no Proxecto Ríos, un programa do Plan Proxecta, en colaboración con ADEGA.
Analizamos o ecosistema fluvial do treito do río Tambre ao seu paso polo Concello de Vilasantar, augas arriba da central hidroeléctrica. Estudamos a morfoloxía do río, as especies de flora do bosque de galería e fixemos mostraxes de macroinvertebrados. Tras levar a cabo a análise conxunta de todos os parámetros estudados, puidemos concluír que o nivel de calidade do río é moi bo a día de hoxe.
