Unha das nosas alumnas, Marta, está a facer unha mobilidade de longa duración durante este curso 2025/26 no St. Josephs’s College, na localidade irlandesa de Borrisoleigh (Tipperary CO). Este curso, equivalente ao noso 4º de ESO, en Irlanda coñécese como Transition Year, e nel o alumnado investiga sobre os seus intereses para continuar coa súa formación no futuro.
O programa Erasmus+ aporta unha axuda importante para que o alumnado poda levar a cabo estas actividades, as cales deben ser dun mínimo de 31 días e dun máximo de 365. Alegrámonos do contenta que atopamos a Marta na visita que lle fixemos e agardamos que todo siga ben no que queda de curso.
