Climograma da estación meteorolóxica de Vigo-Campus

ACTIVIDADE 5: Climograma.

1.- Obxectivos

1. Utilización de follas de cálculo informáticas.

2. Elaboración, interpretación e análise de climogramas.

2.- Procedemento:

1. Utilízanse os datos publicados na web de meteogalicia para a estación meteorolóxica do Campus de Vigo durante ano 2025 que se copian a unha folla de cálculo informática.

2. A partir dos datos de temperatura media e precipitación medias mensual dunha localidade, pedímoslles aos escolares que fagan un climograma.

3. No eixe vertical da esquerda colócase a escala de precipitacións en L/m² e no da dereita a escala de temperaturas en graos centígrados.

3.- Observacións e conclusións:

1. Obsérvase que a temperatura media máxima ten lugar no mes de xullo e a temperatura media mínima prodúcese no mes de decembro.

2. Determínase a amplitude térmica anual, 12,62 ºC, a temperatura media anual, 14,48 ºC e a chuvia total anual, 2284,1 L/m² que se poden asociar cun tipo de clima oceánico.