 FEITOS NA IDADE MEDIA |
| Na historia de Europa, a Idade Media, ou o período Medieval, comezou co fin do Imperio Romano do Occidente e durou case 1000 anos. A Idade Media é o período intermedio nas tres divisións tradicionais da historia occidental: Antigüidade, Idade Media e Idade Moderna. O período medieval está subdividido en: - Alta Idade Media (ou Idade Media Antiga): séculos V-X - Idade Media Clásica (ou Idade Media Plena): séculos XI-XIII - Baixa Idade Media (ou Idade Media Tardía): séculos XIV-XV. ALTA IDADE MEDIA
 Os invasores bárbaros formaron novos reinos. Aínda que houbo cambios substanciais nas estruturas sociais, a ruptura coa antigüidade non foi completa. O Imperio Bizantino sobreviviu en Oriente e continuou a ser unha gran potencia. No Occidente, a maioría dos reinos incorporaron as poucas institucións romanas existentes. Os Mosteiros foron fundados como campañas para cristianizar a Europa pagán. IDADE MEDIA CLÁSICA
Durante a Idade Media Clásica (despois do ano 1000) a poboación europea aumentou enormemente debido ás innovacións tecnolóxicas e agrícolas.  A organización dos campesiños en aldeas que debían pagar rentas e prestar servizo aos nobres, e o feudalismo (estrutura política na que cabaleiros e nobres de menor rango prestaban servizo militar aos seus señores a cambio do dereito de aluguer de terras), foron as dúas das formas nas que a sociedade se organizou nesta etapa. As Cruzadas cristiáns foron intentos militares para recuperar o control do Oriente Medio e daTerra Santa en poder dos musulmáns. Os Reis eran os xefes dos estado-nacións centralizados, reducindo a delincuencia e a violencia, pero facendo o ideal dunha cristiandade unificada máis distante. A vida intelectual estivo marcada pola escolástica (filosofía que une a fe e a razón), e pola fundación de universidades. A filosofía de Tomás de Aquino, as pinturas de Giotto, a poesía de Dante e Chaucer, as viaxes de Marco Polo, e a arquitectura de catedrais góticas, como Chartres están entre os logros destacados deste período. BAIXA IDADE MEDIA
 A Baixa Idade Media estivo marcada por dificultades e calamidades, incluíndo a fame, a peste e a guerra, o que diminuíu moito a poboación da Europa Occidental. Entre 1347 e 1350, a peste negra matou preto dun terzo dos europeos. O desenvolvemento cultural e tecnolóxico transformou a sociedade europea, poñendo fin á Idade Media e dando comezo ó período moderno.  |