O Antigo Exipto foi unha civilización antiga do Nordeste de África, concentrada ao longo do curso inferior do río Nilo, no que é hoxe o país moderno do Exipto.

A súa historia tivo lugar nunha serie de reinos estables ao longo da Idade do Bronce:
         - Imperio Antigo (cando os exipcios construíron as pirámides como tumbas para os seus faraóns),
         - Imperio Medio
         - Imperio Novo

Despois Exipto foi parte do Imperio Persa. Aos exipcios non lle gustaba ser parte do Imperio Persa, pero non eran fortes abondo para independizarse.

Cando Alexandre o Grande conquistou o Imperio Persa en 332 aC, tamén conquistou Exipto, e así os sucesores gregos de Alexandre gobernaron Exipto (332-30 aC).

Era a época helenística, o tempo de Cleopatra, que era unha muller grega e tamén faraona en Exipto.

Despois da morte de Cleopatra, os romanos conquistaron Exipto e foi parte do Imperio Romano por centos de anos (30 aC-700 dC).

Finalmente sobre o 660 dC, foi conquistado polo Imperio Islámico, que substituíu ao Imperio Romano.

O éxito desta civilización chegou, en parte, da súa capacidade de adaptarse ás condicións do val do río Nilo.

  Entre os moitos logros dos antigos exipcios están as técnicas de extracción, de topografía e construción que facilitaron a construción de monumentais pirámides, templos e obeliscos; un sistema de matemáticas, un sistema práctico e eficaz da medicina, sistemas de irrigación e técnicas de produción agrícola, os primeiros navíos coñecidos, novas formas de literatura ...

Exipto deixou un legado duradeiro.
A súa arte e arquitectura foron amplamente copiadas e as súas antigüidades levadas polo mundo. As súas ruínas monumentais inspiraron a imaxinación dos viaxeiros e escritores hai séculos.