Cóntame un conto ou leme unha poesía
| Sitio: | Aula virtual |
| Curso: | Informática 4º ESO IESEBA 1314 |
| Libro: | Cóntame un conto ou leme unha poesía |
| Impreso por: | Usuario convidado |
| Data: | xoves, 20 de novembro de 2025, 1:06 PM |
Descrición
Tarefa de realización dunha presentación con banda sonora.
Introdución
Edición Audiovisual
Os contidos audiovisuais están abarcando cada día que pasa máis campos, entre eles os educativos. Por outra banda a evolución de internet e da web 2.0 mudou o noso comportamento como meros consumidores pasando a facilitarnos a creación de contidos.
Estas dúas circunstancias xustifican a tarefa que vos propoñemos: crear outro xeito de disfrutar dun conto ou dunha poesía incorporando imaxes e sons ao máis tradicional medio escrito de transmisión destes contidos.
Os contidos audiovisuais están abarcando cada día que pasa máis campos, entre eles os educativos. Por outra banda a evolución de internet e da web 2.0 mudou o noso comportamento como meros consumidores pasando a facilitarnos a creación de contidos.
Estas dúas circunstancias xustifican a tarefa que vos propoñemos: crear outro xeito de disfrutar dun conto ou dunha poesía incorporando imaxes e sons ao máis tradicional medio escrito de transmisión destes contidos.
Tarefa
"Cóntame un conto ou leme unha poesía"
en menos de 3 minutos
é unha tarefa de edición audiovisual na que tedes que realizar
un videoconto ou unha videopoesía
a partir de imaxes fixas (ou cortos videográficos) que ilustren o conto/poesía breve que teredes que escoller.
Este vídeo terá una banda sonora realizada con Audacity
e na que incluiredes tanto unha música instrumental de fondo como a vosa dramatización do mesmo.
Por certo, a banda sonora poderá incluir tamén algúns efectos acordes co desenvolvemento do texto literario.
(se cadra a poesía é menos susceptibe de incorporar efectos, dependerá dela mesma).
Lembrade que é máis importante a creatividade que o nome da ferramenta empregada.
Tedes liberdade total sempre que o resultado final sexa un vídeo que conteña contidos propios ou con licencia CC.
Proceso
1.- Elección ou Creación do conto, poesía ou texto literario. 2.- Elección do fondo musical en Jamendo ou similar (o tema escollido será CC e deberedes gardar a url onde se vexa a licencia).
3.- (Opcional) Elección dos efectos CC (igualmente deberedes gardar a url de cada un e onde se vexa a súa licencia).
4.- Elección das imaxes (idem) e gardalas na carpeta pública do voso Drive que creastes nunha tarefa anterior.
5.- Preparar un guión, básicamente consistirá en decidir qué párrafos se lerán mentres estea visible cada unha das imaxes.
6.- Grabación da banda sonora con Audacity.
7.- Montaxe do arquivo de son sobre as imaxes (presentación ou vídeo). O resultado final será obrigatoriamente un vídeo.
8.- Aloxamento do vídeo na nube de xeito público (YouTube, Vimeo, etc.) Haberá que indicar a licencia CC-BY-NC-SA-4.0 á hora de subilo.
9.a)- Creación dunha entrada no blog onde se presente e inclúa (embebido) o videoconto/videopoesía realizado.
9.b)- Indicar o enlace acortado ao vídeo xunto cos datos dos compoñentes do grupo no documento compartido para participar nos concursos da Biblioteca e PALABRASINPAPEL.
10.- Enviar ó AV o enlace acortado á entrada do voso blog.
Recursos
"Tutorial para hacer un videopoema", guía paso a paso que inclúe indicacións para Audacity e MovieMaker así como se queres usar PhotoPeach para a montaxe final.
Exemplo de boa edición dunha entrada que inclúe un podcast: "Ler e facer, ... a propósito de Fantasmas de Luz" por Hora de Ler.
Titorial sobre YouTube: "10 trucos escondidos para aprovechar YouTube en el aula" por TotemGuard.
Fotos Narradas pode ser outra opción, é un programa de Microfost feito especialemente para Windows XP aínda que tamén funciona en Windows 7. O artigo que enlaza desde o nome é un completo titorial.
Se queres "quedarte" coa xente podías facer unha animación, se les este artigo verás o sinxelo que é, tan só necesitas o móvil, unhas cartulinas e moita imaxinación.
Avaliación
Aspectos a ter en conta para a avaliación da tarefa:- Edición da entrada do blog: título, composición, texto explicativo, enlaces, etiquetas, etc.
- Videoconto-guión: axuste das imaxes ao contido do conto.
- Videoconto-son: axuste da banda sonora ás imaxes, adecuación do fondo musical e dos efectos (opcional) incorporados.
- Videoconto-edición:
- Portada:
- Título e autor do texto literario.
- Autores do videopoema/videoconto.
- Contido.
- Contraportada:
- Título e autor do texto literario.
- Título e autor do fondo musical indicando url acortada e tipo de licencia.
- Título e autor dos efectos musicais se os hai, indicando url acortada e tipo de licencia.
- IES Eduardo Blanco Amor - Culleredo
- Nome e apelidos dos autores (primeiro o autor real e logo o do compañeiro)
- inforEBA - 2013-14
- CC-BY-NC-SA-4.0
- Banda sonora: calidade da dramatización e que sexa perfectamente audible sobre o fondo musical.
- Licencia CC-BY-NC-SA-4.0 indicada no aloxamento do vídeo.
Exemplos
Exemplo de vídeo realizado a partir de imaxes: O noso instituto.
No curso 2009-10, Gianfranco e Adrián realizaron este impresionante vídeo promocional do no noso instituto, os demáis equipos fixeron o mesmo traballo co mesmo material pero había que destacar un.Exemplos de videopoemas realizados a partir de imaxes fixas:
No curso 2011-12 colaboramos co departemento de Lingua Española experimentando coa dramatización de poemas en formato vídeo."A mi buitre" de Noelia Bello:
Videopoemas exhibidos no concerto de música de Fin de Curso na biblioEBA, xuño de 2012.
No curso 2012-13 continuamos coa mesma proposta audiovisual.
"Poema XX" de Pablo Neruda por Alejandro Iregui:
"La primavera besaba" de Antonio Machado por Sandra Barreiro:
Videopoemas exhibidos no concerto de música de Fin de Curso na biblioEBA, xuño de 2013.
E aínda que non se exhibiu no citado concerto tamén queremos destacar un dos varios videocontos elaborados, neste caso o conto é "Los 3 cerditos" realizado por Alejandro López:
Con motivo do Concurso de Videopoesía organizado polo Concello da Coruña para escolares da provincia podedes escoitar os "
" lidos por Pedro Ramos, narrador e profesor de escritura creativa así como o director de Polisemias -espacio adicado en exclusiva a impartir talleres de escritura creativa-.
Tamén podedes ver o que fan no IES Bovalar arredor de Antonio Machado, moi orixinal.
Envío da tarefa ó AV do curso
Clica na imaxe para enviar a túa tarefa.
Lembra que tes que:
- Enviar ó AV o enlace acortado á entrada do teu blog onde teñas publicado o vídeo xunto co texto explicativo da tarefa realizada (resume do traballo, fontes empregadas, opinión sobre as ferramentas, enlace ás fontes de sons e imaxes CC empregadas, etc).
Entrega das videopoesías que concursan
Dado que as datas de entrega son distintas:I Concurso de Vídeo Poesía IESEBA: 28 de marzo de 2014.
PALABRASINPAPEL: 23 de abril de 2014.
Queda establecida esta folla de cálculo compartida "Concurso Videopoesía" como lugar receptor dos traballos de xeito que un par de días antes de cada data de entrega se lles envía o contido existente nese momento.
Procurade non eliminar ningunha entrada dos compañeiros e de cando en vez botádelle un ollo para comprobar que a vosa tarefa segue rexistrada.
Conviría que todos rexistrásedes os equipos cos datos dos compoñentes para máis adiante incluir os enlaces.
I Concurso de Vídeo Poesía IESEBA
A Biblioteca María Wonenburger (IES Eduardo Blanco Amor) convoca un CONCURSO DE VÍDEO POESÍA no que poderá participar todo o alumnado matriculado este curso 2013-14 no Instituto Eduardo Blanco Amor de Culleredo.• O concurso pretende fomentar a creación artística cooperativa (literaria, plástica e musical) utilizando as TIC.
• Trátase de crear un vídeo poema que combine en menos de 3 minutos:
• Texto literario (orixinal ou non, en verso ou en prosa) en castelán, galego, inglés ou francés.
• Banda sonora (orixinal ou non).
• Imaxe ou sucesión de imaxes orixinais ou non (fixas ou vídeo).• Os vídeo poemas terán que ser realizados en grupos de dous a catro membros.
• Ao final do vídeo poema deben constar:
• Nomes e apelidos dos creadores do vídeo poema.
• Nome e localidade do noso instituto.
• Título e autor do texto literario.
• Título, autor e o intérprete da música.
• Autor das imaxes.• A data límite de entrega é o 28 de marzo de 2014.
• Como enviar os traballos:
- por correo electrónico a biblioeba@gmail.com indicando no asunto Vídeo poesía, o nome dos autores e o curso.
- nun pen-drive (USB) rotulado co nome dos autores e o curso, que será entregado na biblioteca durante os recreos.• O xurado estará formado por membros do equipo da Biblioteca e dos departamentos didácticos colaboradores.
• O xurado seleccionará un grupo de traballos entre os que se escollerán os tres premiados:
• Primeiro premio: Vale por ¿? euros para adquirir libros, música ou cine.
• Segundo premio: Vale por ¿? euros para adquirir libros, música ou cine.
• Terceiro premio: Vale por ¿? euros para adquirir libros, música ou cine.
PALABRASINPAPEL. Concurso de vídeo poesía.
PALABRASINPAPEL é un concurso de vídeo poesía organizado polo Concello de A Coruña co que colaboran Polisemias (taller de escritura creativa) que se adapta moi ben a este proxecto audiovisual da materia de informática e o Centro de Formación do Profesorado de A Coruña.As condicións para participar nel son as mesmas cas desta tarefa salvo que a participación é por grupos de entre 2 e 4 persoas. Por iso os vosos traballos feitos individualmente van firmados polos 2-3 compoñentes do grupo e, dado que se poden enviar varios traballos, estamos duplicando ou triplicando as posibilidades de obter un premio.
Como requisito indispensable para participar tedes que inscribirvos nun ficha en papel que vos facilitaremos entre o 24 e o 28 de febreiro nas materias de Informática e Lingua Castelá ou que podedes recoller na Biblioteca. As inscripcións entregaranse ao profesor que figurará como responsable.
- Data límite de inscripción: 28 de febreiro (posiblemente 8 de marzo)
- Data límite de recepción dos traballos: 30 de abril.
- Data da Gala: 21 de maio ás 12:00 no Ágora.
Gala final para as 12 equipas finalistas.
- Proxección dos vídeo poemas finalistas no teatro Ágora.
- Entrega de premios aos 3 primeiros así como ao centro da equipa gañadora.
- Ágape de confraternización entre participantes.
Aspectos nos que se fixará o xurado á hora de escoller os mellores traballos:
- Orixinalidade. En principio a idea era que todo fose orixinal polo que aínda que agora se permiten recursos CC supoño que valorarán se son vosos. Neste caso convirá que quede clariño nos créditos.
- O reparto da valoración será:
- 40 % para o texto literario.
- 15 % para a banda sonora.
- 15 % para a imaxe ou imaxes.
- 30 % para a capacidade de evocación do conxunto.