Materiais de consulta. Para ter a man e lembrar "como era aquilo de..." (Abrir nunha xanela nova, premendo co botón dereito)

Recursos alleos

As situacións nas que nos atopemos dependerán da licenza con que estén difundidos os recursos. En resumo:

• Libros ou calquera material mercado.

Ter adquirido un libro ou calquera outro material suxeito a dereitos de autor non outorga dereito a facer calquera cousa con este. Hai que diferenciar o soporte, que si que nos pertence, do contido de propiedade intelectual, do que unicamente temos un dereito de uso segundo a licenza de adquisición. Así, por exemplo, un libro que compramos dános dereito a fotocopialo para o noso uso, pero non o podemos copiar para logo redistribuílo. Tampouco o podemos dixitalizar ou subilo á rede sen permiso dos titulares dos dereitos.

• Si a obra utilizada está en dominio público

Non será necesario pedir permiso nin pagar aos seus titulares.

• Si a obra está suxeita a dereitos de autores, produtores, entidades de radiodifusión ou intérpretes

Teremos que pedir permiso dos titulares, que teñen todos os dereitos reservados, aínda que poderemos exercitar o dereito de cita, coas súas limitacións, e utilización de obras para o ensino.

• Si a obra está voluntariamente en dominio público

Poderemos utilizala sen problemas.

• Si a obra está baixo copyleft

Teremos que ler os termos da licenza pero, polo xeral, poderemos exhibila sen problema ningún.

• Ai a obra está baixo licenza creative commons

Axustarémonos ás condicións particulares da licenza, respectando sempre o dereito de recoñecemento ao seu titular e os posibles límites relacionados co uso non comercial se imos cobrar pola exhibición a obra.