Entrada de blogue. Parte 2. Proceso creativo. (Data tope: 5 de marzo)

Envía o enlace á entrada do teu blogue persoal hiperenlazado a unha palabra ou expresión dentro dunha frase do tipo: 

A entrada do meu blogue persoal titulada "Xxxxxx Xxx Xxxxx" e publicada o día .../.../2017 recolle a miña reflexión sobre o proceso creativo da App realizada por Nome Apelido, Nome Apelido e Nome Apelido.

Nesta entrada falaredes propiamente do proceso seguido para a creación da vosa App, equipo, distribución do traballo, fases seguidas, tempos, recursos empregados, acordos tomados ... O recurso expresivo fundamental será o textual e deberedes coidar tanto a calidade expresiva e a súa corrección como a presentación estética, ordeada e de agradable lectura. Incluirá un enlace para a súa descarga pública (apk).

Unha posible estrutura de desenvolvemento pode ser comezar pola presentación esquemática inicial exposta o 26 de febreiro, embebida e non enlazada, para rematar coa presentación embebida (non o enlace) que empregaredes na exposición pública da semana seguinte (6 de marzo) e polo medio o proceso seguido.