Tarefa 01.12. Avaliación e Autoavaliación. 80 ptos. 11/12/16 (23:55).

Nesta tarefa (na caixa de texto) terás que analizar a túa participación na materia nesta 1ª avaliación así como a de cada un dos compoñentes do teu grupo. Logo fai unha crítica constructiva da materia e do profesor.

Como suxerencia segue este guión:

1. Respecto da miña participación.
   • Que aprendín?, se estiven a gusto, motivado?
   • O tempo que adiquei ao traballo en equipo está á altura do empregado polos meus compañeiros?
2. Respecto dos meus compañeiros.
   • Quen me axudou, quen tirou do grupo, quen distorsiona, quen non traballa, ...?
3. Respecto do traballo en equipo.
   • Se volvese ao momento da formación dos equipos faría algo distinto? O equipo está cohesionado? Coñecín mellor a algún deles ao traballar xuntos? Que descubrín?
4. Respecto da planificación.
   • Resultou útil ou tivo erros. Que cambiaría da planificación inicial?
   • A distribución do traballo estivo acertada?, como o faría se volvese atrás?
5. Suxestións para o alumnado que faga esta tarefa o curso que ven.
   • Sobre o traballo de investigación.
   • Sobre a infografía.
   • Sobre a presentación.
   • Sobre a exposición.
   • Sobre os procesadores de textos.
6. Lembras cando falamos das vosas planificacións e vos comentei que a fase de investigación non podía levar máis dun tercio do tempo dispoñible. Analiza a "grosso modo" os tempos necesarios para cada unha das partes do traballo. 
7. A dinámica de traballo libre nas sesións presenciais debe modificarse? Deben planificarse sesións teóricas?
8. Todo o que se che ocurra. Neste apartado podes mencionar aspectos dos que non te sintas responsable. 

Esta tarefa ten unha cualificación máxima de 80 puntos acadables segundo a extensión-seriedade-profundidade da valoración persoal. Respostas breves sen matizar ou tipo "test" de si/non non recibirán unha cualificación significativa.

Esta tarefa é persoal e confidencial. Tedes total libertade para criticar calquera cousa que non será tida en conta de xeito negativo, ainda que debedes saber que todo se pode criticar sen resultar ofensivo ou desagradable, preténdese unha crítica constructiva que axude a mellorar o proceso educativo.