Tarefa 2.0: Creación dun blog persoal

• Unha vez lidas as referencias anteriores a esta entrada xa podedes crear o voso blog individual en Blogger.
• Antes de crealo debedes pensar unha temática para o mesmo, aquelo que vos apasione, porque ademáis de publicar os traballos de clase (desta ou doutras materias) teredes que traballar sobre a mesma.
• Unha vez escollido o título e a plantilla debedes publicar a vosa primeira entrada cunha presentación e as razóns polas que escollistes ese tema.
• O blog irédelo traballando ao longo do curso, non teñades presa por enchelo de gadgets.
• O primeiro condicionante vai ser que non podedes copiar-pegar ningún texto nas vosas entradas. Toda a redacción debe ser da vosa colleita. (Podedes "citar" sempre e cando a cita non supere o tercio da entrada).
• Chegados a este punto debedes publicar o voso primeiro artigo ou entrada, esta vez relacionado co tema escollido e tratado con profundidade.
• Rematada a presentación do blog e o primeiro artigo (pode incluir imaxes, vídeos, etc.) debedes realizar en "About" unha descripción de vós ao xeito das diapositivas 23 e 24 da seguinte presentación sobre Portfolios.

• Nesta tarefa indica o teu nome e o enderezo ou link do teu blog (edita a tarefa ata que o enderezo do teu blog sexa un enlace e non a teñamos que copiar/pegar na barra de enderezos, observa que logo de "Gardar" debería aparecer o enderezo cambiado de cor). Perdoade se hai moito "enderezo" neste párrafo.

Para a calificación desta tarefa valoraremos a existencia do blog, o tema escollido, a xustificación do tema na vosa primeira entrada (especial atención á redacción) e o voso "about" onde falaredes de vós dun xeito xeneralista e non comprometedor.