2024_03/04_Preparación Exposición Etnográfica_Día das Letras Galegas

Co galo das Letras Galegas, adicadas as Cantareiras e á Poesiía Popular, imos montar unha pequena exposición cos carteis elaborados durante o primeiro trimestre.

Para poder entender de onde xurdía este tipo de cultura e de arte, é preciso coñecer como era a forma de vida de aquelas mulleres que adicaban gran parte da súa vida a traballar, dentro e fóra da casa. Co gando, na horta, na casa, coidando dos cativos e cativas e das avoas e avós.

Unha vida moi dura que debemos coñecer para valorar a súa importancia, para poñer en valor a nosa historia, a nosa cultura, a nosa lingua. 

SÓ SE VALORA O QUE SE COÑECE!

TAREFAS:

1.- Elaborar  unha listaxe de pezas etnográficas que coñezan as vosas familias que se empregaban antes para a vida cotiá: cociñar, lavar a roupa, traballar no campo, coidar o gando, transportar, música, material escolar, 

2.- Repartir, por grupos, temas para analizar esas listaxes.

3.- Que elementos podemos achegar, temporalmente, para a exposición?

4.- Buscar información e elaborar fichas para identificar os elementos na exposición.

5,- Deseñar a distribución da exposición no patio interior do IES. Montaxe

6.- Preparar a exposición. Todos faremos de guías: da exposición dos carteis das cantareiras e a exposición de elementos etnográficos.