Escoitando en redes sociais

Hai moitas persoas sufrindo actitudes discriminatorias que descoñecemos, que non imaxinamos, que mesmo nós podemos reproducir sen ser conscientes de como afectan a outras persoas, por iso é importante escoitar a quen as denuncian.

Hoxe en día as redes sociais son unha ferramenta fundamental de denuncia e activismo que podemos aproveitar para coñecer a realidade de outras persoas en circunstancias diferentes das nosas así que investigaredes nas redes sociais (X, instagram, TikTok) para atopar mensaxes contra a discriminación das persoas pola razón que sexa: raza, xénero, orientación sexual, identidade de xénero, capacidade, relixión...

Tedes que buscar activistas e comprobar que a información é verídica e actual. Recopilaredes enlaces, capturas de pantalla, información sobre os perfís... para poder presentar logo a información a toda a clase.