Medios para o control da intensidade.

          Compre analizar os medios para o control do exercicio. De xeito que a intensidade sexa sempre a axeitada para o plan proposto. Para iso, e tal como vimos na clase, empregaremos a formula proposta por Karvonen baseada na Frecuencia cardíaca de reserva (FC_RESERVA).

           Para medir a FC_REPOUSO debemos ter presente que a medición a deberemos realizar ao erguernos da cama, preferíblemente ergueito dado que sentados ou deitados a medición resultaría equívoca dado que nesas posicións temos menos pulsacións por minuto, e espertando por un mesmo pois ao despertarmos por un despertador ou mediante terceiros aumentamos a FC_REPOUSO.

FC_MAX.= 220-Idade
FC_RESERVA= F.C._MAX – F.C._{REPOUSO
FCTRABALLO= F.C.REPOUSO + % FCRESERVA}

Táboa: Cálculo da intensidade de traballo en función da ecuación de Karvonen.

A valoración da intensidade debe realizarse despois da terceira repetición. Si a avaliamos antes córrese el risco de que o valor das pulsacións non expresen a reacción real do organismo. Despois da terceira repetición o tempo que precisa o pulso para volver á normalidade, practicamente, non se modifica.

Tal e como comentamos durante as sesións prácticas, un xeito sinxelo de controlar a intensidade en exercicios de resistencia aeróbica e mediante o control da fala. Compre lembrar que este é un método que aporta mellores resultados no método continuo. Sendo o control da FC o sistema máis axeitado para o control da intensidade ao realizar un adestramento polo método fraccionado.

Intensidade do Exercicio	Forma de Falar
Baixa	Fala facilmente, con normalidade
Media	Fala con relativa facilidade
Media – Alta	Fala entrecortadamente
Alta	Dificultade para falar, ou non pode falar

Táboa . Relación entre intensidade de exercicio de resistencia aeróbica e posibilidade de fala do suxeito.