Este módulo contén a formación necesaria para confeccionar un proxecto de empresa e efectuar a súa xestión, de xeito integrado e nun contexto real de traballo a través dun contorno virtual pedagóxico.
Neste módulo, o alumnado pon en práctica todos os coñecementos, os procedementos e as aptitudes que adquiriu ao longo do seu proceso de aprendizaxe, e procede a crear e a xestionar unha empresa, coa súa diversidade de ámbitos funcionais.
Esta función abrangue aspectos como:
– Deseño, elaboración e presentación do plan de empresa.
– Xestións do aprovisionamento.
– Xestión e determinación das necesidades do factor humano na empresa.
– Execución e interpretación da contabilidade da empresa.
– Cumprimento da fiscalidade das empresas.
– Determinación das necesidades de investimento e financiamento da empresa.
– Atención á clientela.
– Venda e márketing.
– Traballo en equipo.
– Coordinación das tarefas e dos departamentos.
As actividades profesionais asociadas a esta función aplícanse na xestión dunha pequena
ou mediana empresa de calquera sector de actividade.
- Teacher: Marta Liebana Vidal
- Teacher: Juan Luís Otero Chaves
- Teacher: Alejandro César Rodríguez Pérez