EXPOSICIÓN ORAL 1º TRIMESTRE

Exposición oral en grupo sobre diferentes épocas e autores da literatura galega do primeiro terzo do Século XX:

Escóllese unha etapa e prepárase unha presentación en formato dixital. Ofrézovos un simple guión daquilo que debe figurar, podedes aumentar información ou enfocala como consideredes.

REQUISITOS:

• A exposición debe ser clara e concisa, debe servir para aprender do tema e permitir que a aula tamén aprenda. Por iso hai que poder explicalo de maneira sinxela e non limitarse a ler.
• Todas as persoas deben saber responder preguntas que eu lles faga como preguntas que farán obrigatoriamente o resto dos grupos. Repito, TODAS AS PERSOAS deben coñecer o traballo.
• Non obterán cualificación positiva as persoas que se limiten a ler as diapositivas ou aquelas que non coñezan o contido das mesmas. LER non é expoñer.
• As presentacións deberán seguir unhas pautas dixitais que se explicarán na aula: coidar a lingua e o tipo de fonte e citar as fontes empregradas(webgrafía).
• Os contidos que explican os distintos grupos son materia de exame que será aclarada e ampliada pola profesora.

AVALIACIÓN:

• A cualificación é individual a pesar de que o traballo sexa grupal. Cadaquén defende a súa nota. Ata un 10% da nota do trimestre.
• Os criterios de cualificación son obxectivos: avalíase mediante unha rúbrica que se explicará na aula: claridade na exposición, linguaxe empregada, rexistro formal e posta en escena. TODO CONTA.
• Valorarase por enriba de todo a capacidade para atraer co contido exposto, a claridade e coñecemento do que se explica e unha presentación atractiva e amena.

PRAZOS:

• A partir da semana do 19 de outubro xa se pode comezar a traballar nos contidos, a elaborar a presentación e a distribución do traballo entre todo o grupo. En ningún caso se preparará o traballo na aula.
• Cando corresponda expoñer a un grupo e este non teña o traballo subido á aula virtual (un só traballo por grupo), estas persoas perden a posibilidade de acadar a nota. Non se admiten cambios.
• O traballo ten que estar subido en PDF na aula antes do 1 de DECEMBRO. Porase un nome da etapa que corresponde ou do autor. Por ex.: A poesía de vangarda: as vangardas galegas ( equipo As caramechas).

Moito ánimo e ilusión!!!