Executando comandos no Debian

Accede á consola do teu equipo e fai as seguintes tarefas (toma capturas de pantalla de cada unha para subilas na correspondente tarefa fa Aula Virtual)

1. Identifica a túa distribución Linux. (CAPTURA 1) Anexo exemplo de como se entrega esta captura.
2. Imos xogar co comando "mkdir", que vén de "Make Directory". Crea un cartafol no teu usuario. Para iso debes poñer, na liña de comandos mkdir Probas_Oteunome. IMPORTANTE!!! Só se pón ESPAZO DESPOIS DO COMANDO; nos nomes non poden poñerse, non os colle. Todo o que hai despois do espazo non existe. Outra peculiaridade da linguaxe de comandos é que debes escribir EXACTAMENTE o que buscas: distínguense maiúsculas de minúsculas.
3. Executa un comando para ver os cartafois que hai no teu usuario e comproba que creaches ben a túa carpeta. O nome dese comando está na lista de arriba, búscao e execútao. (CAPTURA2)
4. Dentro de Probas_Oteunome crea dúas carpetas: Probas_Oteunome_Subcarpeta1 e Probas_Oteunome_Subcarpeta2  Para facer isto debes, primeiro, entrar no teu cartafol. Iso faise co camando cd (vén de "Change Directory"). É dicir, debes escribir cd Probas_Oteunome Unha vez dentro, creas as subcarpetas con "mkdir". A continuación, fai un listado das carpetas que hai e toma esa captura de pantalla. Para volver atrás, ó cartafol raíz de Probas_Oteunome, usas cd ..    (ollo! espazo antes dos dous puntos).
5. En Probas_Oteunome_Subcarpeta1 crea un arquivo de texto que se chame "Oteunome_arquivotexto" e escribe o que queiras dentro del. O comando para crear e editar un arquivo de texto é nano, ou sexa, escribe nano oteunome_arquivotexto Garda o arquivo ("control o"), sae del ("control x") e comproba que está dentro da carpeta facendo ls. (CAPTURA 3)
6. Imos copiar ese arquivo á carpeta Probas_Oteunome_Subcarpeta2. En comandos non se pode trasladar un arquivo a outro cartafol directamente: debemos ir, xerarquicamente, cara arriba ou cara abaixo. É dicir: o teu arquivo de texto primeiro debe subir a Probas_Oteunome; para iso, empregaremos o comando mover con dous puntos: mv oteunome_arquivotexto ..  Repara en que hai un espazo antes dos dous puntos. Unha vez subido á carpeta superior, xa podes movelo á subcarpeta 2. Fai un listado dos arquivos dentro desa carpeta e comproba que agora está aí o teu arquivo de texto. (CAPTURA 4)
7. Intenta localizar esas carpetas e arquivo na interfaz gráfica normal (fóra de Terminal). (CAPTURA 5)
8. Volve a Terminal e elimina as carpetas.
9. Crea un arquivo comprimido con todas as imaxes e preséntao como tarefa na aula virtual.