Proba oral do 1º trimestre.

RELATO OU CONTO DE TERROR

Este trimestre a proba oral realizarase durante a primeira quincena de decembro, de maneira presencial, na aula.

Hai 3 posibilidades:

a)     Podedes aproveitar o concurso que se celebrará o 31 de outubro, co gallo do “Samaín”, e que se celebrará na biblioteca. Ese día poderedes participar no concurso de relatos de terror ao vivo e poderedes aproveitar a dita creación para contárnola (en ningún caso lela) en decembro durante a proba oral.

b)    Podedes buscar información na Rede sobre lendas ou historias de medo propias da cultura galega e contalas. Deberá ser mínimo unha historia e estar relacionada coa época de defuntos ou o Samaín.

c)     Podedes ler algunha das historias dos seguintes libros de relatos e contárnola:

-       Terra brava, Á lus do candil, de Ánxel Fole.

-       Cando petan na porta pola noite, de Cabier Docampo.

-       Arrepíos e outros medos, de Xosé Miranda .e Antonio Reigosa.

d)    Podedes optar por preguntar a algún familiar sobre historias que saiban ou que lle fosen contadas de maneira oral e aproveitar para que volas transmitan a vós, e así axudar a difundir a literatura oral.

Requisitos da proba oral:

1.     Debes elaborar unha presentación onde recollas algunha imaxe que faga referencia ao que vas contar.