Tres días de nadal

Fases de traballo:

1. Adica os primeiros días de nadal a OBSERVAR ben a túa casa, posibles encadramentos, por onde entra a luz, que cores teñen as túas habitacións… Observa tamén a túa familia: os xestos, como falan, etc.

2. Autoobsérvate! Cando estás máis alegre? Cando máis triste ou aburrido? Por que? Inflúe a xente que te rodea? Se podes saír á rúa? Es dos que prefire quedar na casa? Que che gusta facer?

3. Crea a sinopse dos teus 2 días reais: un resumo de que ocorre/ocurriu/vai ocorrer. Determina cales son o INICIO/NÓ/DESENLACE, cales o DETONANTE e o CLÍMAX.

4. Fai o storyboard do que gravarás. Pensa no tamaño dos planos, na angulación, nas cores, nos movementos de cámara, no ritmo.

5. Grava. Fíxate en que o SON se escoite limpo e  claro ou, se hai voz en off, grávaa vocalizando alto e claro.

6. Monta eses vídeos. Intenta facelo co ordenador.

7. Curta do Desexo de nadal. Lembra que é unha ficción, unha fantasía.

1. Escribe a sinopse e determina con claridade cal é o inicio, nó, desenlace, e cales o detonante e clímax.

2. Escolle as personaxes: fai un casting entre familia e amigos para ver como quedan en cámara. Escolle un fondo neutro, dálles unha frase, e pídelles que a digan a cámara. Grávaos cun plano curto ou medio centrado. Grava tamén un plano detalle, a ver se dan ben en cámara!

3. Fai ensaios. Decide onde vas colocar a cámara tendo en conta todo o que aprendiches. Ten coidado de planos moi escuros ou a contraluz: usa lámparas e pasa cortinas.

4. Fai o storyboard.

5. Grava. Lembra: se hai diálogos, deben escoitarse ben!

6. Monta e engade unha música onde faga falta, de entre as que che ofrece o Cap Cut.