1.1.2. Redacción do informe

Cando presentamos as conclusións dunha investigación, podemos facelo en forma de documento escrito, o informe, en forma de documento dixital, algún tipo de presentación con diapositivas, audiovisual,… Tamén solemos  facer unha presentación oral para o resto dos compañeiros da clase.  Unha combinación de informe escrito, presentación dixital ou audiovisual e unha presentación oral sería un bo colofón para un traballo de investigación.  Ademais, podemos escribir un artigo co resumo das conclusións para unha revista escolar, para un blog,…

PORTADA: irá na primeira páxina do informe, xunto co nome do equipo e dos seus compoñentes, tamén pode incluírse o clase e a materia para a que se fai.  Poden incluírse imaxes, debuxos, …

ÍNDICE: partirá do esquema numerado que incluímos no guión. Ao lado de cada apartado poremos a páxina na que se inicia

INTRODUCIÓN: é a presentación do voso traballo: tema do que trata, contidos específicos que incluídes,  forma en que está organizado…

CORPO DO INFORME: desenvolve cada un dos puntos do esquema numerado do guión.  É dicir, recolle, organizadamente, toda a información que elaboraches ao longo da investigación.  Nesta parte podedes incluír gráficos, imaxes, mapas, esquemas,… todo o que consideredes necesario para mostrar o que atopastes.

CONCLUSIÓNS: é a parte final do informe.  Aquí se recollen as impresións sobre o tema, como vos sentístesvos, dificultades atopadas, que aprendestes sobre o tema…

BIBLIOGRAFÍA: é unha lista con todas as fontes de información que utilizastes na vosa investigación, incluídas imaxes, vídeos, libros, enciclopedias… 

ANEXOS: si é necesario, podes incluír documentos elaborados por outras persoas e que queres que formen parte do teu informe: gráficas, táboas, escritos,…  Este apartado é sempre opcional.