inicio
“2º da ESO: curso de inglés en 9
unidades integrado en aula virtual”
MANUAL DE USO
|
|
|
|
|
|
|
|
|
|
|
|
Cando entramos na aula virtual xa podemos ver o menú correspondente a
unidade 1. Como vemos na imaxe cada
unidade inclúe o título, un enlace ós contidos da unidade e un cadro de
exercicios e probas. As probas aparecen en cor vermello, (test).
Premendo en cada un dos enlaces abriremos unha nova ventá onde poder
practicar os distintos contidos da unidade. Os resultados dos “test” son almacenados na base de datos
da aula virtual, e polo tanto, pódense utilizar como ferramenta de avaliación.
Dende o menú, entramos por exemplo na unidade 1,
exercicio 1 na sección de vocabulario.
Cada exercicio consta de catro bloques. Prememos no exercicio 1 no bloque 1
e vemos unha listaxe de traducións ó castelán arriba entre corchetes para
escoller entre elas e escribir a palabra correcta en cada casiña das oracións.
Os alumnos dispoñen de pistas que poden marcar como usadas premendo enriba
da palabra para que cambie de cor.
Cando rematemos prememos en check ou comprobar, e aparecen en cor verde as respostas correctas
e en cor vermella as incorrectas. Podemos premer en do again ou facer de novo e vemos que cambiaron as palabras e a
orde e tamén as oracións na que aparecen. Podemos repetir o exercicio tantas
veces como queiramos, pero sempre vai cambiar.
Despois pasaremos ó bloque 2 e seguintes. Cada bloque trata un tema
diferente salvo o 4, que é repaso dos outros tres.
Se prememos no exercicio 2 as instrucións son diferentes.
Temos que ler as oracións e escoller unha das opcións que podemos despregar
premendo na frecha que atopamos ó final dos ocos. Só hai unha opción correcta,
e as outras ou ben teñen erros ortográficos ou non teñen sentido no contexto da
oración.
No exercicio 3 temos que escribir as palabras. Dispoñemos de pistas que se
poden marcar cando xa se usaron no exercicio.
No exercicio 4 debemos relacionar as palabras coa súa tradución ó inglés. É
un exercicio no que debemos escribir as palabras. Podemos marcar as pistas
cando se usen.
Para rematar a parte de vocabulario hai unha proba que se
poderá usar como exame ou simplemente para que o alumno comprobe o seu
progreso. Os resultados desta proba quedan rexistrados na base de datos da aula
virtual.
Nos exercicios de gramática
temos 4 bloques tamén en cada un. No exercicio 1 temos que ler as oracións e
escoller unha das opcións para completala. Podemos ir cambiando de bloque.
No exercicio 2 temos que escribir unha das opcións de arriba para completar
os ocos.
No exercicio 3 temos que escoller a tradución correcta e escribila no oco.
No exercicio 4 temos a axuda dos verbos en infinitivo arriba e hai que
escoller o adecuado e modificalo para que encaixe en cada frase. (No caso do
verbo ter se non empregamos a forma have
got o programa pode dar erro).
No exercicio 5 temos oracións desordenadas e hai que escribilas na orde
correcta. Non podemos esquecer as maiúsculas e os signos de puntuación porque
se non o programa dará erro.
No exercicio 6 de gramática, que é de revisión, temos que traducir as
oracións.
Para rematar a parte de gramática hai unha proba que se poderá usar como
exame ou simplemente para que o alumno comprobe o seu progreso.
Os resultados desta proba quedan rexistrados na base de datos da aula
virtual.
No apartado de verbos hai exercicios de tempos verbais e
máis verbos irregulares.
Prememos en tempos
verbais e vemos que arriba temos os verbos en infinitivo e abaixo as
frases de suxeito máis verbo e temos que escribir a forma correcta que
correspondería para formar suxeito e predicado en afirmativa, negativa e
interrogativa. Temos tamén 4 bloques dentro de cada exercicio.
Para rematar a parte de tempos verbais hai unha proba que se poderá usar
como exame ou simplemente para que o alumno comprobe o seu progreso. Os
resultados desta proba quedan rexistrados na base de datos da aula virtual.
O mesmo facemos cos exercicios de verbos
irregulares para escribir as formas correctas de infinitivo, pasado e
participio. (Se non contraemos as formas verbais que o permitan o programa pode
dar erro).
Tamén neste caso temos unha proba.
Pasamos ós exercicios de lectura. No exercicio 1 temos un texto no que faltan os
verbos. Témolos arriba nas casiñas para escollelos e escribilos. Pero se
pasamos a outro bloque ao mellor agora desaparecen os adxectivos e noutro
bloque os nomes ou ben as preposicións ou as conxuncións.
No exercicio 2 de lectura o alumno ten que ler un texto normal, completo, e
escoller unha opción para contestar ás preguntas, dicir se é verdadeiro ou
falso ou escribir a resposta correcta.
Para rematar a parte de lectura hai unha proba que se poderá usar como
exame ou simplemente para que o alumno comprobe o seu progreso.
Os resultados desta proba quedan rexistrados na base de datos da aula
virtual.
Finalmente temos 2 exercicios de escoita (un deles é un ditado).
No exercicio 1 de escoita temos catros audicións, unha
por bloque, que escoitamos premendo no play
e temos que escoller a opción adecuada para completar as frases, contestar ás
preguntas ou dicir se é verdadeiro ou falso. Podemos escoitalos varias veces e
premer en pausa.
No exercicio 2 de escoita, que é un ditado, hai que escribir as frases que
escoitemos. Hai 4 bloques cun ditado en cada un. Cando se selecciona o primeiro
ditado temos que premer dúas veces no botón correspondente.
Compre recordar que ó final de cada oración hai que escribir un punto.
Para rematar a parte de escoita hai dúas probas que se poderán usar como
exame ou simplemente para que o alumno comprobe o seu progreso.
O programa tamén conta cun pequeno dicionario ( 6000 entradas
aproximadamente) con tradución e, na maioría dos casos, pronunciación. Para ver
a tradución dunha palabra temos dúas opcións.
·
A
primeira e premer dúas veces o botón esquerdo do rato cando estamos sobre a
palabra. Na parte superior da pantalla aparece a información, sempre que esa
palabra apareza recollida no dicionario.
·
A
segunda opción permítenos seleccionar unha parte da palabra. Así podemos
eliminar terminacións, (plays
– play), repartir palabras compostas (stepfather – father) ou incluso escoller unha
expresión con varias palabras. Para poder facer isto temos que seleccionar co
rato o que queremos buscar e logo premer na tecla ENTER.
