Guía para a diversificación de espazos educativos na ESO dende unha perspectiva inclusiva, igualitaria e interdisciplinaria

Como toda competencia, trátase dunha combinación de coñecementos, habilidades, actitudes e valores que, neste caso, se aplican para afrontar con éxito experiencias relativas a problemas globais. Polo tanto, trátase dunha competencia multidimensional e que requirirá dunha aprendizaxe permanente ao longo da vida (lifelong learning). 

Desenvolver esta competencia permitirá afrontar as catro dimensións que a conforman (OECD, 2018):

1. Capacidade para analizar problemas de importancia local, global e intercultural.
2. Capacidade para comprender e apreciar perspectivas e visións do mundo diferentes.
3. Capacidade para establecer interaccións positivas con persoas de diferentes contextos nacionais, étnicos, relixiosos, sociais ou culturais, ou de distinto xénero.
4. Capacidade e disposición para adoptar medidas cara o desenvolvemento sostible e o benestar colectivo.

Polo tanto, o desenvolvemento da competencia global parece imprescindible para poder vivir en harmonía no mundo actual, cada vez máis interconectado, e para poder apreciar e poñer en valor as diferencias culturais.