Levar a cabo unha videoconferencia

As tarefas do curso están fixadas pola Consellería, e eu non podo engadir aningunha obrigatoria, pero vos propoño facer, voluntariamente, algunha video conferencia entre vós, facendo un de profesor e outros de alumnos invitados.

Podedes invitarme a min tamén, aínda que non prometo que poida ir, pois vosos horarios na EOI non creo que sexan moi compatibles cos meus.

Elixide calquera das dúas ferramentas. A de Webex é máis completa, e permite moitas cousas, pero a outra tamén está ben, e é penso eu máis sinxela de manexar.

Por outra banda, a de Webex soamente vos funcionará se conservades o correo que enviou a Xunta alá por marzo ou abril, para activar as contas nesa plataforma. A segunda está desarrollada pola propia Xunta.

Como "entrega", podedes enviarme unha ou dúas capturas de pantalla, ou tamén, simplemente, escribir na caixa de texto como vos foi.