Tarefa final do módulo 2

Como xa comentamos na folla de ruta xeral, a tarefa final de este segundo módulo está enfocada a practicar a creación dunha sesión de capacitación con salas de pequeno grupo a través de Webex Training. Para isto, deberás crear unha sesión de capacitación invitando aos compañeiros do curso e interaccionar con eles en salas de grupo ou breakout rooms. 

Non te preocupes se cres que non serás quen de facelo só; ademáis das instrucións que aparecen nos contidos deste módulo, recorda que temos unha sesión virtual a través de Webex Meetings o xoves 21 ás 12:30 nas que resolveremos dúbidas e probaremos (se aínda non o tes feito) as nosas sesións de capacitación.

Para acreditar o aproveitamento da tarefa, deberás enviar unha captura de pantalla da túa sesión de capacitación onde aparezan os compañeiros e calquera outra evidencia que che apeteza compartir connosco. Asimesmo, deberás ofrecer unha breve reflexión (500 palabras máximo) sobre como cres que podes integrar a videoconferencia na túa práctica docente. Para isto poder achegar un ficheiro ou empregar a opción de texto en liña.

A data límite de envío das tarefas é o venres 22 de maio ás 23:55.

Apertas e moito ánimo,

Alicia e Laura