Unha vez que rematamos o noso material de eXeLearning, quédanos o momento máis satisfactorio: dar a coñecer o noso proxecto aos demais. Para iso teremos que exportalo a formatos que non precisen o uso de eXeLearning e que ademais nos mostren máis eficientemente o traballo realizado.         

Lembremos que o recurso que creamos gárdase coa extensión .elp (eXeLearning Project), unha extensión que só é válida para traballar con esta aplicación. Para que os contidos xerados poidan ser utilizados por outras aplicacións e visualizados por outros usuarios, eXeLearning permite exportar os proxectos a distintos formatos. Imos ver cales son e cal debemos elixir en cada caso.