2. Participación do alumnado nos blogs

Se o administrador da páxina e o profesor que xestiona o blog así o consideran os alumnos poden escribir nos blogs.

Son espazos colaborativos e irán crecendo na medida na que poidan expresarse neles os alumnos e interactuando cos contidos.

En xeral están pensados para ser blogues de aula ou de materia, os facemos por, con e para os alumnos, pero sobre todo deberiamos facelos "con" eles.

É normal que ao principio sexa o profesor o único que escribe, pero na medida do posible o profesor irá incentivando aos alumnos a que participen activamente.

Os alumnos poden participar nos blogs de dous xeitos diferentes:

  • O mais habitual e que o fagan comentando ou posteando as entradas publicadas polo profesor. É dicir o profesor publica un artigo ou entrada (algo de interese para a aula, ou sobre o que estean a traballar na clase eses días) e deixa aberta a opción de lectura/escritura de comentarios.

Os alumnos leen o artigo, inician sesión co seu propio usuario e contrasinal (pertencente ao rol de alumnado) e envían o seu comentario ou post. Se teñen permisos para enviar comentarios sen aprobación este aparecerá inmediatamente debaixo do artigo (como fíos dunha conversación). Se os comentarios son moderados o profesor deberá aprobalos primeiro antes de que se publiquen.

Podedes ver un exemplo de blog con contidos moderados neste enlace: http://www.edu.xunta.gal/centros/ceipvalesvillamarin/blog/leo


  • Outra posibilidade diferente é que o profesor e os alumnos traballen conxuntamente na edición do blog, tanto artigos como comentarios. Neste último caso os datos de usuario e contrasinal terían que ser facilitados polo profesor aos alumnos que vaian a traballar na edición do blog, polo que require un nivel de madurez e confianza dos alumnos implicados.
Por exemplo, o titor do curso podería propoñer que cada semana un alumno se faga cargo do blog, durante ese tempo o alumno terá que ir publicando artigos cos contidos aprendidos na clase, as actividades realizas que foron mais interesantes e enlaces a webs de consulta ou actividades relacionadas coa materia. Os seus compañeiros e o propio profesor poden comentar os artigos publicados.

Podedes ver un exemplo de blog con contidos moderados neste enlace: http://www.edu.xunta.gal/centros/ceipvalesvillamarin/blog/trasnos_brigantinos