A Biblioteca do CPI de Cova Terreña
| Sitio: | Aula virtual do CPI de Cova Terreña |
| Curso: | Benvida á aula virtual |
| Libro: | A Biblioteca do CPI de Cova Terreña |
| Imprimido por: | Invitado |
| Día: | martes, 25 de noviembre de 2025, 10:06 |
Descripción
Unha guía na que aprender todo o que tes que saber sobre a biblioteca do centro.
1. Benvidos/as
Despois de moitos avatares, unha reforma integral, unha mudanza e polo medio unha pandemia mundial, Lentiña volve chea de libros á súa nova casiña, a nosa biblioteca do CPI de Cova Terreña. Despois de moito traballo, os profesores e profesoras xunto co Equipo de Biblioteca quere darvos a BENVIDA a un novo espazo amplo, luminoso e agradable, creado con moito agarimo para todos vós. Aínda que seguimos en construción, desexamos que o gocedes e que poidades sacarlle o máximo partido.
2. Como é Lentiña, a nova biblioteca?
A nova biblioteca atópase na planta baixa do centro, xusto diante do acceso ao patio norte. Aquí tes algunhas imaxes do que poderás atopar nela:
A distribución de seccións é a seguinte:
Por onde poderías chegar á biblioteca dende a túa clase?
Cal é o patio máis próximo á biblioteca?
En que sección terías que buscar un libro de matemáticas?
Onde podes atopar as novidades?
3. A Clasificación Decimal Universal (CDU)
As bibliotecas de todo o mundo están organizadas segundo a Clasificación Decimal Universal, chamada CDU. Este sistema consiste en en darlle a cada libro unha numeración segundo o tema. Todos os libros coa mesma numeración tratan o mesmo tema e están na mesma sección.
A CDU clasifica todos os libros en categorías numéricas, cuxo primeiro díxito indica a súa temática xeral. Segue a Lentiña no seu percorrido polas CDUs.
Dentro de cada categoría numérica a nosa biblioeca ten as seguintes subcategorías.
Despois do código numérico da sección onde se atopa o libro, na CDU aparecen as tres primeiras letras do apelido do autor, e por último as tres primeiras letras do título, sen contar artigos e preposicións.
Por exemplo:
Se buscamos O lapis do carpinteiro de Manuel Rivas, a súa clasificación será a seguinte:
82-N
RIV
lap
En que sección se atopan os libros de dinosaurios?
Cal é o código numérico da sección de comic ou banda deseñada?
E a de debuxo e manualidades?
4. As normas da biblioteca
- A duración do empréstito é de 15 días. Poderá ampliarse se o libro non ten demanda.
- Podedes reservar un libro.
- Na biblioteca deberás estar en silencio.
- Prégase non levar ningún tipo de comida nin bebida á biblioteca.
- O uso dos libros será sempre coidadoso.
- Despois de ler un libro tedes que colocalo no carriño.
- Podedes empregar os ordenadores para consultar información, enciclopedias, CD ou DVD. Se escoitas música terás que pedir uns cascos.
- NON se empregará internet sen a supervisión do profesor ou encargado da biblioteca.
Protocolo COVID
- O uso da máscara será obrigatorio para acceder á biblioteca para todo o alumnado, inclusive para Ed.Infantil, como medida hixiénica preventiva, polo posible uso das instalación por diferentes grupos de diferente etapas na mesma xornada lectiva.
- Será obrigatoria a hixiene de mans con xel hidroalcólico tanto á entrada como á saída da biblioteca.
- O alumnado desinfectará o seu posto antes e despois do seu uso.
- O emprego de xogos de mesa queda restrinxido.
- O alumnado que empregue material común (ordenadores) deberá desinfectalo antes e despois do seu uso.
- A biblioteca disporá de dous carriños específicos para realizar unha corentena ata o día seguinte de todos os libros utilizados (tanto por consulta na biblioteca como por empréstito).
- Consulta na biblioteca: o alumnado deixará os libros, periódicos ou revistas consultados no carriño.
- Empréstito: o profesorado de garda depositará os libros devoltos no carriño para a correspondente corentena ata o día seguinte.
- Ventilación: a biblioteca permanecerá ventilada de forma permanente mediante unha apertura mínima de 5 cm en ambos os extremos das ventás que dan ao patio.
Cando tes que desinfectar o teu posto?