Para que serve o modo edición

Para que serve?

O modo edición permite engadir e modificar o contido (Recursos e Actividades) dun curso. Só dispoñen desta posibilidade as persoas usuarias con perfil de Profesor ou de Editor de contidos nese curso.

Como se activa?

Na esquina superior dereita da pantalla, atópase o botón Activar a edición. Pulsando sobre este botón, o profesorado pasará a dispoñer dun conxunto de novas opcións. Tamén é posible pasar ao modo edición pulsando na ligazón Activar a edición do bloque Administración.

Unha vez activada a edición móstrase xunto a cada recurso do curso a opción de cambiar o seu nome e un despregable Editar co resto de opcións de edición e outras iconas similares repartidas pola pantalla.

Realizados os cambios no curso pódese saír do Modo edición pulsando o botón ou ligazón Desactivar a edición situado no mesmo lugar que aparecía antes Activar a edición.

Imaxe 1.7.1 Menú e botón para Activar a edición

Como funciona?

O Modo edición caracterízase por amosar un conxunto de iconas no curso que permitirán ao profesorado interactuar cos contidos existentes. As iconas repítense en moitos dos elementos que compoñen un curso facilitando o seu manexo e converténdoo en máis intuitivo.

A seguinte táboa describe o funcionamento das iconas segundo o elemento sobre o que actúan.

Que efecto produce?
	Sobre un recurso ou actividade	Sobre un bloque	Sobre un tema ou sección
	Cambia o nome do elemento
	Despraza o elemento á esquerda ou dereita
	Mover a calquera sitio da estrutura de temas	Mover a calquera sitio de algunha das dúas columnas	Cambia a orde na estrutura de temas
	Editar, accedendo ao formulario de configuración	Editar as propiedades accedendo ao seu formulario de configuración	Engadir texto, imaxes e outros elementos ao principio do tema
	Duplicar, situando o novo debaixo do orixinal
	Eliminar	Eliminar. O bloque eliminado poderá volver engadirse desde o bloque Engadir un bloque
	Elemento "visible" para os alumnos; pulsando sobre a icona, o elemento cambiará a "invisible" para os alumnos	Elemento "visible" para os alumnos; pulsando sobre a icona, o elemento cambiará a "invisible" para os alumnos	Elemento "visible" para os alumnos; pulsando sobre a icona, o elemento cambiará a "invisible" para os alumnos
	Elemento "invisible" para os alumnos; pulsando sobre a icona, o elemento cambiará a "visible" para os alumnos	Elemento "invisible" para os alumnos; pulsando sobre a icona, o elemento cambiará a "visible" para os alumnos	Elemento "invisible" para os alumnos; pulsando sobre a icona, o elemento cambiará a "visible" para os alumnos
	Asignar un rol a unha persoa usuaria, unicamente para ese recurso ou actividade	Asignar un rol a unha persoa usuaria, unicamente para ese bloque
			Marca ou destaca de maneira visual o tema activo
			Engade un tema novo no esquema do curso
			Elimina o último tema do esquema do curso
		Acopla o bloque na marxe esquerda da pantalla
		Desacopla o bloque da marxe esquerda da pantalla

Ademais das iconas mencionadas, o Modo edición mostra ao pé de cada unha das seccións ou temas do curso a ligazón Engadir unha actividade ou recurso, que facilita ferramentas para a incorporación de actividades e contidos.

As actividades son ferramentas para a interacción con e entre o alumnado, por exemplo: Foros, Cuestionarios, Wikis... Por outro lado, hai diferentes maneiras de crear contidos con Moodle ou de enlazar contidos previamente creados: Ficheiro, Cartafol, Etiqueta, Páxina, URL e Paquete de contido IMS.