Ensinar linguas. A comunicación oral

Sócrates acaba de concluir o ambicioso relato no que explica o destino dos mortos, cando o mensaxeiro dos Once, interrompe a reunión para anunciarlle chorando que lle ten chegado o intre de tomar o veleno. "Qué educado é este home!" exclama Sócrates, cando o malpocado mensaxeiro marcha. E ante a emoción incontible que deseguido embarga aos seus discípulos, que non poden aceptar a inxusticia da súa morte, reclama deles un esforzo de moderación. Fala da euphemia, que non ten que ver tanto co silencio como coa evitación daquelas palabras ou acenos que non conveñen a certos momentos. A educación entendida como euphemia, é unha forma de sabiduría moral, e implica este esforzo, o de dicir a palabra xusta e actuar dacordo ao real. Como se unha vida sen exame non merecese a pena de ser vivida, e a necesidade de expresarse ben fose un exercicio que non so favorecese o coñecemento, senón que axudase a evitar o dano ás almas. Esa é a ensinanza do último Sócrates: ser homes é aprender a conversar.