Tipos de vertebrados
Pero.....que son os vertebrados?
Os vertebrados son os animais que posúen columna vertebral, de aí o seu nome.
Dentro dos animais vertebrados podemos distinguir 5 grupos ven diferenciados dos que falaremos a continuación, os mamíferos, as aves, os peixes, os anfibios e os réptiles.
Os mamíferos
Os mamíferos son animais vertebrados caracterizados por ter glándulas mamarias. Estes animais utilizan esas glándulas para alimentar ás súas crianzas. Normalmente os mamíferos son animais terrestres, mais algúns son voadores, coma o morcego, ou acuáticos, coma o golfiño.
Características dos mamíferos
Os mamíferos, ademais de polas glándulas mamarias, caracterízanse por:
1- Case todos teñen pelo.
2- Respiran por pulmóns.
3- Teñen catro patas.
4- As súas bocas teñen dentes e beizos.
5- Son animais vivíparos.
6- Teñen fecundación interna.
7- Poden controlar a temperatura do seu corpo.
8- Case todos son terrestres.