2.2. O dispositivo do alumnado

O dispositivo do alumnado

Caracteristicas principais do equipo do alumno

Todo o alumnado matriculado nun curso dos niveis EDIXGAL dispón dun ordenador portátil convertible HP ProBook x360 11 G1 EE, que incorpora unha pantalla táctil de 11,6 pulgadas para poder ser utilizado tanto en modo portátil como en modo tableta.

Trátase dun ordenador robusto e versátil pensado específicamente para entornos educativos.

Este equipo entrégase con todo o software necesario instalado, incluída a aplicación EVA Offline que permite descargar os contidos educativos no propio ordenador para poder traballar igualmente en caso de non dispoñer de conexión a internet.

Funcionalidades táctiles do equipo

A pantalla táctil deste ordenador permite interactuar co sistema operativo e coas aplicacións, tanto co dedo como co bolígrafo dixital activo HP que acompaña a este equipo.

Dependendo do tipo de contido que estea a visualizar o alumno ou do tipo de actividade que se dispoña a realizar, este equipo permite o seu uso con distintas posicións da pantalla.

Por esta razón, é convinte que o usuario probe a resposta táctil da pantalla en diferentes posicións e cos dous elementos posibles de pulsación (dedo ou bolígrafo dixital), de maneira que lle permita decidir cal é a posición de pantalla coa que se sinte máis cómodo á hora de usar as súas funcionalidades táctiles.