Que é

A raspberry é unha placa de baixo custo deseñada para o ensino de informático.

O modelo Pi3 consta de:

  • Procesador de 1.2 GHz de catro núcleos ARM Cortex-A53
  • Memoria RAM de 1Gb
  • Coprocesador multimedia de dobre núcleo Videocore IV
  • 4 portos USB 2.0 con corrente máxima de 1'1A (un disco duro de 3.5'' precisaría alimentación externa)
  • LAN inalámbrica 802.11 b/g/n y Bluetooth 4.1
  • Saída de vídeo HDMI
  • Saída de vídeo analóxico por conector RCA
  • Slot para tarxeta microSD

Funciona como un pequeno ordenador, móbil ou tablet. A tarxeta microSD faría a función de unidade de almacenamento. Por tanto, podemos ter varios sistemas operativos en distintas tarxetas, e arrancar coa que prefiramos.

Os sistemas máis usados son:

  • Uso xeral de escritorio como PC: Raspbian (é unha distribución de Linux Debian adaptada á Raspberry, do mesmo xeito que o sistema operativo dos portátiles Abalar son unha versión de Linux Debian para ordenador)
  • Media Center: OSMC ou KODI (incluido en distribución Open ELEC)
  • Consola: ReCalBox
  • Android: está previsto que Google dea soporte Android para o hardware da Raspberry, pero aínda non existe.

Máis información: www.raspberry.org

Precaucións

Usar o alimentador oficial, non un cargador de móbil aínda que teña o mesmo conector (dá 2'5A).

Usar tarxeta microSD de alta velocidade, tanto en lectura como escritura (Sandisk ou Samsung Pro).

Apagar o sistema por software, non desenchufar directamente.

Facer copia de seguridade da tarxeta SD.

Arranque NOOBS

A forma máis sinxela de instalar un sistema operativo é usar a imaxe NOOBS, que inclúe varias opcións por defecto. A primeira ve que se execute, preguntará que distribución se quere instalar, e automaticamente descomprime o sistema operativo borrandoo resto. Este proceso non se pode restaurar; se se quere cambiar de sistema, hai que formatear a SD e instalar de novo o NOOBS.

A tarxeta que vén no kit de Raspberry subministrada pola Consellería, xa trae instalado o NOOBS.

Se se quere usar noutra tarxeta nova, ou ben se se quere recuperar o estado inicial, deberemos facer o seguinte:

  • Buscar e descargar o paquete NOOBS: https://www.raspberrypi.org/downloads/noobs/
  • Nesa web veremos dúas opcións de descarga:
    • Offline: con todo incluído, pero máis tempo de descarga e paquete máis grande (a versión 2.1 ocupa 1 Gb).
    • NOOBS Lite: só se descarga o mínimo para arrancar (a versión 2.1 ocupa 27 Mb), e despois, durante a instalación, precisas unha conexión a internet para descargar o necesario.
  • Descargar un programa específico para formatear a tarxeta: https://www.sdcard.org/downloads/formatter_4/eula_windows/index.html
  • Executar este programa:
    • Elexir a letra da unidade. Non te equivoques de letra, porque formatearías outra unidade e perderías todos os datos.
    • En opcións, escoller "FORMAT SIZE ADJUSTMENT" en modo "ON"
    • Formatear
  • Descomprimir o parquete de NOOBS directamente na tarxeta: NON o poñas nunha subcarpeta
  • Introducir a tarxeta na Raspberry e encendela.

Uso en tecnoloxía

Pódese usar como ensino de arquitectura de ordenador, instalación e configuración de sistema operativo. Sistemas operativos libres e abertos.

Pódese usar como placa de control, ó igual que o arduino, con estas diferencias:

  • A lóxica é de 3'3V, en lugar de 5V (uso de resistencias de 220ohm en lugar de 330ohm)
  • Programación en Python con librería GPIOzero: todos os sensores e actuadores están normalizados entre os valores 0 e 1.
  • Permite varios fíos de execucion.

Última modificación: xoves, 16 de febreiro de 2017, 5:52 PM