Tarefa 1.1. Elabora o DAFO do proxecto no teu centro

Tarefa 1.1. Elabora o DAFO do proxecto no teu centro

Obxectivos da tarefa

• Comprender a utilidade da ferramenta DAFO de análise de proxectos.
• Reflexar nun documento DAFO o estado actual do proxecto EDIXGAL no teu centro educativo.
• Realizar unha das tarefas propias do/a coordinador/a EDIXGAL: análise da situación do proxecto no centro.

Como realizar esta tarefa

1. A tarefa consiste en elaborar un documento onde se reflexe a situación actual do proxecto EDIXGAL no teu centro, nun determinado formato de documento (DAFO). Para que a información sexa significativa debes contar coa opinión do profesorado que traballa nas aulas EDIXGAL do teu centro educativo.
   
   Unha boa maneira de recopilar esta información será convocar unha reunión na que participe o profesorado EDIXGAL do centro.
2. Coa información recollida, elabora unha matriz DAFO que reflexe a situación do proxecto EDIXGAL no teu centro, engadindo ademáis (no mesmo documento) unha pequena reflexión sobre o resultado e as posibles estratexias a seguir, no caso de ser necesarias.

Como enviar esta tarefa despois de realizada

Unha vez realizada a tarefa, debes enviala seguindo estes pasos:

1. Exporta o documento a formato PDF.
2. Pulsa o botón "Engadir entrega" que aparece na parte inferior desta tarefa.
   
   
3. No recadro "Entrega de ficheiros" que aparece na parte inferior, sube o ficheiro en formato PDF que contén a túa matriz DAFO.
   
   
4. Finalmente pulsa o botón "Gardar os cambios".