TAREFA: Rutas por Cariño.
O primeiro será formar cinco equipos, cada equipo terá que escoller unha das rutas e preparar un mapa online en Google Maps, tamén terá que deseñar un cartel coa descrición da ruta.
Rutas.
Ruta zapatilla. Para realizar andando.
Ruta bicicleta, pois iso , para percorrer en bicicleta!.
Ruta urbana. Unha andaina por Cariño.
Ruta extrema. Para facer orientación, manexar o compás e o mapa, pero sen risco!!!
Ruta historia. Para visitar lugares con lenda, sitios misteriosos e pegadas da historia.
Procedemento.
Na primeira sesión na aula veremos o funcionamento de Google Maps , como crear mapas e engadir puntos de interese.
Logo teredes que investigar en Internet e procurar información sobre Cariño e a Serra da Capelada co fin de elaborar unha listaxe de sitios de interese para a vosa ruta. Unha boa forma de comezar é visitar as ligazóns que propoñemos.
Para o cartel podedes utilizar LibreOffice Draw ou Inkscape, mellor o primeiro , estes programas permiten crear carteis de forma sinxela combinando imaxes e textos. O resultado o exportaredes a PDF para publicar tamén na web.
Lembrade que as imaxes que podedes atopar en Internet teñen diferentes tipos de licenza, e nalgúns casos a persoa autora non deixa utilizalas. É importante que poñades a ligazón ao sitio web onde está a imaxe.
Para finalizar.
Publicaremos na páxina do colexio cada mapa online e o pdf co cartel.
Presentade aos vosos compañeiros o traballo. Será na última sesión e podedes utilizar o EDI.
Faremos unha exposición na entrada do colexio cos carteis.
Entre todos e todas escolleremos unha ruta para percorrer en xuño.