Entrega da evidencia de coordinación no centro

Neste apartado deberás facer entrega de algunha evidencia relacionada co desenvolvemento dos Polos creativos no teu centro. Non é precisa unha memoria. Será moi sinxelo... Algúns exemplos de posibles evidencias que podes entregar neste espazo son:

- Un diario de aprendizaxe no que recollas información sobre a formación na que participastes no voso centro, os proxectos ou actividades desenvolvidas, o emprego dos kits singulares, as persoas participantes e involucradas no proceso...

- No caso de ter realizada formación específica sobre algún equipamento concreto (impresora 3D, cortadora láser, audiovisuais...), especifica que aprendestes, que tipo de actividades podedes desenvolver agora grazas á formación... Importante engadir imaxes de de actividades de aula (non de formación do profesorado) relacionadas con Polos creativos, incluso cunha breve descrición do seu propósito, etapa educativa...

- Lembra incluir as actividades cos kits singulares. Podes, igualmente, achegar imaxes, vídeos...

Se tes algo feito ou tes unha proposta e queres saber se é admisible para esta tarefa, contacta connosco e axudarémosche para facilitar o proceso.

Para entregar esta evidencia, podes empregar distintos formatos, por exemplo:

- Un documento en .pdf

- Unha presentación en .pdf

- Unha ligazón a un vídeo, unha presentación, un blog, un portafolio dixital...

No suposto no que decidas empregar un documento ou unha presentación, facilitamos uns modelos normalizados que podes empregar (Consultar a sección "Informarse e aprender"). Tamén achegamos nese apartado os logos de Polos creativos.

Unha vez entregada a tarefa, proporcionarémosche a retroalimentación a través desta aula virtual.

Non dubides en contactar connosco se tes calquera dúbida ou se xorde calquera incidencia.