As células son as unidades máis pequenas que forman os seres vivos e que realizan as tres funcións vitais: nutrición, relación e reprodución.

Nutrición: As células toman substancias do exterior para conseguir materiais e enerxía.

Relación: As células reciben a información do medio que as rodea e poden reaccionar ante ela.

Reprodución: As células divídense e orixinan outras célu­las fillas.

As células son moi pequenas, pero teñen distintos tamaños e formas.

As células so poden verse cun microscopio.

O microscopio é un instrumento óptico que permite ampliar moito a imaxe de obxectos moi pequenos, como un grupo de células; para iso debe facerse unha preparación microscópica.

As células están formadas pola membrana, o citoplasma, o núcleo e os orgánulos.

A membrana é unha cuberta que rodea a célula e que a separa do exterior.

O citoplasma constitúe a maior parte da célula. Está formado por auga con numerosas substancias disoltas.

O núcleo é a parte que controla o correcto funcionamento da célula.

Os orgánulos están no citoplasma.

Tanto as células dos animais coma as das plantas posúen membrana, núcleo, citoplasma e orgánulos.

As células vexetais posúen unha parede ríxida por fóra da membrana.

As células vexetais posúen cloroplastos, uns orgánulos de cor verde en que se realiza a fotosíntese.

A forma e o tamaño son diferentes.