Moodle Mobile: Libro de Consulta

Sitio:	Aula Virtual do CEIP de Vite
Curso:	Como podemos acceder á aula virtual do CEIP de VITE?
Libro:	Moodle Mobile: Libro de Consulta

Impreso por:	Usuario convidado
Data:	mércores, 24 de decembro de 2025, 3:16 PM

Descrición

Con Moodle Mobile, a App móbil (para dispositivos móbiles) oficial de Moodle, poderás:

Acceder ao contido deste curso desde o teu dispositivo móbil, incluso sen conexión a internet.
Recibir notificacións instantáneas de mensaxes e outros eventos.
Atopar rapidamente e contactar con outras persoas deste mesmo curso.
Subir imaxes, audio, vídeo e outros ficheiros desde o teu dispositivo móbil.
Facer un seguimento do teu progreso neste curso.
Ver as tarefas e publicar nos foros.
Ver as túas cualificacións no curso.
... e moito máis.

Táboa de contidos

1. Instalar a app no meu dispositivo
2. Que podo facer coa app Moodle Mobile
3. Funcionalidades principais Moodle Mobile

1. Instalar a app no meu dispositivo

Instalar a app no meu dispositivo

Para instalar a app no teu dispositivo móbil (tablet e/ou smartphone), en primeiro lugar descarga a app desde a tenda de aplicacións do teu dispositivo móbil "Google Play" ou "App Store, do mesmo xeito que calquera outra aplicación para o móbil. Esta app é totalmente gratuíta.

Se usas un dispositivo móbil (teléfono ou tablet) con sistema operativo Android

Desde o teu dispositivo móbil abre a tenda de aplicacións Google Play e busca a app tecleando "Moodle app". A continuación descarga e instala esta app no teu dispositivo móbil

Se usas un dispositivo móbil (teléfono ou tablet) con sistema operativo iOS

Desde o teu dispositivo móbil abre a tenda de aplicacións App Store e busca a app tecleando "Moodle app". A continuación descarga e instala esta app no teu dispositivo móbil.

Unha vez descargada a app no teu dispositivo móbil, a primeira vez que a usas debes introducir os datos de conexión coa Aula Virtual do teu centro educativo.


imaxe 1	imaxe 2	imaxe 3

imaxe 1
Cando abras por primeira vez a app, deberás introducir a dirección URL de aula virtual do teu centro.

https://www.edu.xunta.gal/centros/ceipamaia/aulavirtual

Fíxate que introduces correctamente a dirección URL e que non cometes ningún erro. Sobre todo asegúrate de que introduces o dominio ".gal" e non ".es"

imaxe 2
Se o enderezo URL introducido é correcto e a configuración da Aula Virtual tamén é correcta, a app permitirá que pulses o botón "Conectar ..."

imaxe 3
Nesta terceira pantalla deberás introducir o mesmo nome de usuario e contrasinal que usas para acceder á Aula Virtual en modo online, desde o ordenador.

2. Que podo facer coa app Moodle Mobile

Que podo facer coa app Moodle Mobile

Cando o usuario entra por primeira vez na app, vai directamente á pantalla principal da aplicación onde se poden distinguir dúas áreas claramente diferenciadas:

Área persoal
Na área persoal móstranse os cursos nos que está matriculado o usuario (os cursos aos que ten acceso), podendo seleccionar os cursos que queres visualizar por intervalos de datas.
Inicio do sitio
Na área "Inicio do sitio", o usuario pode visualizar a lista de categorías na que están organizados os cursos, así como tamén realizar unha busca de cursos en función dos criterios de busca que se introduzan no buscador.

O resto dos menús que contén a aplicación dan acceso a outro tipo de funcionalidades.


Eventos de calendario	Mensaxes	Notificacións	Opcións e configuracións

Os menús adáptanse á área dispoñible de pantalla, polo que no caso de usar Moodle Mobile desde unha tableta a área de traballo é moito maior e resulta moito máis cómodo para o usuario.

3. Funcionalidades principais Moodle Mobile

Funcionalidades principais Moodle Mobile

A aplicación offline Moodle Mobile é compatible coa maioría dos recursos e actividades que poden ser usados na versión online da Aula Virtual, polo que as funcionalidades que ofrece esta app son prácticamente as mesmas, a nivel de usuario, que na versión online.

Tipos de recursos compatibles coa app Moodle Mobile

libro, ficheiro, cartafol, IMSCP, etiqueta, páxina, URL

Tipos de actividades compatibles coa app Moodle Mobile

tarefa, escolla, base datos, feedback, foro, glosario
lección, proba, SCORM, seguemento, wiki, workshop

Por outro lado, o uso desta app desde o noso dispositivo móbil permítenos facer outras moitas cousas:

Subir ficheiros á nosa área de almacenamento persoal
Gravar ficheiros de audio no dispositivo móbil e subilos directamente á área de almacenamento persoal da versión online
Enviar mensaxes privadas a un ou varios dos participantes nos nosos cursos, directamente desde a app
Engadir aos participantes nos cursos aos nosos contactos do teléfono móbil
Realizar unha chamada de voz a calquera dos participantes dos nosos cursos
Xeolocalizar a calquera dos participantes nun curso, a través de Google Maps
Descargar e ver algúns dos recursos dos cursos
Recibir notificacións Push, directamente no teléfono móbil, cando envían mensaxes ou avisos dirixidos a nós
Utilizar a mensaxería privada entre usuarios
Integrar o calendario do curso co calendario do noso dispositivo móbil, para poder recibir recordatorios en formato de notificacións locais
Auto-matricularnos nos cursos que estea permitido, directamente desde o noso dispositivo móbil

Neste sentido, o uso da app Moodle Mobile aporta un valor engadido aos nosos cursos incrementando as posibilidades de interaccción cos contidos, as actividades e os participantes nos cursos e aportanto tamén unha nova experiencia de usuario no uso das Aulas Virtuais.