A célula

A célula, que é?

A teoría celular sostén que todos os seres vivos están formados por células. Baséase en tres ideas fundamentais:

• Todos os seres vivos, sen excepcións, están formados por células.
• A célula pode realizar as tres funcións vitais: función de nutrición, función de relación e función de reprodución.
• Todas as células fórmanse a partir da división doutras células iguais a elas.

As partes da célula

Todas as células teñen unha estrutura na que se poden distinguir:

• Membrana plasmática. É unha envoltura que rodea á célula.
• Citoplasma. É unha substancia xelatinosa que contén os orgánulos que realizan diferentes funcións.
• Orgánulos. Son os encargados de realizar funcións específicas.

Tipos de células

-Células eucariotas

Ademais da membrana plasmática, o citoplasma e os orgánulos posúen un núcleo ben definido. O núcleo encóntrase no interior da célula separado por unha membrana. É o encargado de controlar o funcionamento celular.

As células eucariotas están presentes en seres vivos como os animais, as plantas, os fungos ou as algas.

A célula animal: está formada pola membrana plasmática, o citoplasma, os orgánulos e o núcleo.

A célula vexetal: Está formada pola membrana plasmática, o citoplasma, os orgánulos e o núcleo. Ademais posúen unha parede celular que rodea á membrana plasmática. A parede celular protexe a célula do exterior e dálle rixidez.

-Células procariotas

As células procariotas non teñen núcleo definido e posúen menos orgánulos.
As bacterias son seres vivos que están formadas por células de tipo procariota.

Recursos E-Dixgal. Curso Netex-Smart