Tarefa 1. O etiquetado

A maioría dos alimentos véndense envasados (algúns incluso sobreenvasados.)

O envasado é moi importante para coñecer o que estamos comendo e para que o alimento chegue en boas condicións. Nas etiquetas de todos os alimentos envasados deben constar os ingredientes que se utilizaron para a súa elaboración e a data de caducidade ou de consumo preferente.

As etiquetas dos alimentos deben proporcionar a información necesaria ao consumidor/a sobre os nutrientes e procesado do alimento.

Os envases poden ser de vidro, de plástico, de cartón ou de metal. Temos que ter claro a que contedor deberíamos botalos.

Trae etiquetas de distintos alimentos e contesta:

Nome do alimento: 

1-De onde procede?

2-Cal é o seu peso neto

3-Cal é a súa data de consumo preferente e/ou caducidade?

4-Que ingredientes ten.

5- Cal é o nutriente que aporta en maior proporción.

6-Está sobreenvasado?

7- En que contedor/es o botarías para a súa reciclaxe?