Para inaugurar este curso que acaba de comezar, imos actualizar a páxina web do centro, cun deseño renovado que funciona mellor en dispositivos móbiles. Aquí iremos engandindo información de interese para toda a comunidade educativa da mesma maneira que viñamos facendo coa anterior páxina. Con todo, levaremos a cabo algúns cambios para simplificar a súa organización. Aquí tedes un resumo da información que poderedes atopar en cada lapela.
- Inicio (páxina principal): nesta páxina colocaremos aquelas novas que, pola súa importancia ou trascencencia, consideramos que deben estar ben visibles. Posto que na páxina principal só podemos engadir un número limitado de novas, só se amosarán as máis recentes.
- O centro: aquí estará a información do centro, como a súa localización, horario, menús de comedor, etc.
- Proxectos: nesta lapela engadiremos información sobre os proxectos que levamos a cabo no centro, así como as actividades complementarias e extraescolares. Tamén estarán aquí os albumes coas fotos que subamos.
- Biblioteca: lapela con información relacionada coa biblioteca, que nestes momentos se encontra en plena renovación. Tamén hai un enlace ó blogue da biblioteca.
- Galerías: acceso ós albumes coas fotos.
- Contido recente: rexistro cronolóxico das páxinas e novas da páxina web. Aquí estarán todas as páxinas de calquera lapela que iremos creando, incluidas as novas que vaian desaparecendo da páxina principal, que sempre estarán dispoñibles aquí.
Esperamos que vos guste e, sobre todo, que sexa de utilidade.
