Nenos e nenas de 3º de Primaria participaron nun roteiro aos muíños de Caraña. Saíron do cole parándose a observar os ríos Mendo e Mandeo na súa desembocadura. Pasearon pola Ribeira cara ao Xuncaliño e dende alí subiron ata Caraña. Puideron ver os antigos muíños e a fábrica de curtidos que se atopa á beira do río Pelamios, afluente do Mandeo. Despois de repoñer forzas no parque do Xuncaliño, achegáronse ata a estación de tren e a depuradora de Betanzos. Aprenderon un montón de cousas!!